ദുബായ്: ദുബായിലെ പൊതു പാർക്കിംഗ് കേന്ദ്രങ്ങളിൽ നിരീക്ഷണം ശക്തമാക്കുന്നതിന്റെ ഭാഗമായി പാർക്കിൻ 500-ലധികം അത്യാധുനിക സ്മാർട്ട് ക്യാമറകൾ സ്ഥാപിച്ചു. റോഡരികിലും, പോസ്റ്റുകളിലും ഘടിപ്പിച്ചിട്ടുള്ള ഈ ഡിജിറ്റൽ സംവിധാനം, വാഹനങ്ങൾ കൃത്യമായ രീതിയിൽ പാർക്ക് ചെയ്തിട്ടുണ്ടോ എന്നും പാർക്കിംഗ് ഫീസ് അടച്ചിട്ടുണ്ടോ എന്നും സ്വമേധയാ പരിശോധിക്കും.
ആദ്യഘട്ടത്തിൽ ട്രേഡ് സെന്റർ 1, ബുർജ് ഖലീഫ, അൽ കോർണിഷ് എന്നിവിടങ്ങളിലാണ് ഈ അത്യാധുനിക സംവിധാനം നടപ്പിലാക്കുന്നത്. പ്രത്യേകിച്ച്, ഈ മേഖലയിൽ ആദ്യമായാണ് ‘കർബ്-സൈഡ്’ ക്യാമറകൾ ഇത്തരത്തിൽ ഉപയോഗിക്കുന്നതെന്ന് പാർക്കിൻ വ്യക്തമാക്കി. നിയന്ത്രിത പാർക്കിംഗ് മേഖലകളിൽ നിലവിലുള്ള നിരീക്ഷണ സംവിധാനങ്ങൾക്ക് പുറമെ, വിവിധ പ്രദേശങ്ങളിലായി 200-ലധികം ക്യാമറകൾ കൂടി ഉടൻ സ്ഥാപിക്കുമെന്നും അധികൃതർ അറിയിച്ചു.
