ലോകത്തെ കോടിക്കണക്കിനു ഉപഭോകതാക്കൾക്ക് ആശ്വസിക്കാവുന്ന വാർത്തയാണ് യൂറോപ്യൻ യൂണിയന്റെ പുതിയ തീരുമാനം. ഐഫോൺ അടക്കം എല്ലാ ഫോണുകൾക്കും ഇനി ഒറ്റ ചാർജ്ജർ മതിയെന്ന തീരുമാനമാണ് എപ്പോൾ ലോകത്തമെങ്ങും ചർച്ചയാവുകയാണ്. 2024 വർഷം അവസാനത്തോടെ ഐഫോണുകൾ, എയർപോഡുകൾ ഉൾപ്പെടെ എല്ലാ കൺസ്യൂമർ ഇലക്ട്രോണിക്‌സ് ഉത്പന്നങ്ങളിലും യു.എസ്.ബി ടൈപ്പ് സി ചാർജിങ് പോർട്ടുകൾ നിർബന്ധമായും ഉപയോഗിക്കണമെന്നാണ് യൂറോപ്യൻ പാർലമെന്റ് പുതിയ നിയമം വഴി പാസാക്കിയത്.
എന്നാൽ 2026 മുതൽ ഈ നിബന്ധന ലാപ്‌ടോപ്പുകൾക്കും ബാധകമാകും. ഇപ്പോൾ നിലവിൽ 2024 അവസാനത്തോടെ യൂറോപ്യൻ യൂണിയനിൽ വിൽക്കുന്ന എല്ലാ മൊബൈൽ ഫോണുകളിലും, ടാബ്‌ലെറ്റുകളിലും, ക്യാമറകളിലും ടൈപ്പ്-സി ചാർജിങ് പോർട്ട് ആയിരിക്കണം എന്നാണ് നിഷ്കർഷിച്ചിട്ടുള്ളത്. ചുരുക്കിപ്പറഞ്ഞാൽ ആഗോളതലത്തിൽ ഇനി ആപ്പിളായാലും ആൻഡ്രോയിഡായാലും ചാർജ്ജർ ഒരേ ടൈപ്പ് മതിയാവും. ലോകത്തെ കോടിക്കണക്കിനു ഉപഭോകതാക്കളെ ഈ വാർത്ത ആഹ്ലാദഭരിതരാക്കിയിരിക്കുന്നത്.
