ദുബായ്: യാത്രക്കാരെ കൂടുതൽ പ്രതിസന്ധിയിലാക്കി എയർ ഇന്ത്യാ എക്സപ്രസ്. യുഎഇയിൽ നിന്ന് ഇന്ത്യയിലേക്കുള്ള യാത്രയിൽ സൗജന്യമായി കൊണ്ടുപോവുന്ന ലഗേജിൻ്റെ പരമാവധി ഭാരം എയർ ഇന്ത്യ എക്സ്പ്രസ് കുറച്ചു. 30 കിലോ ലഗേജിൽ നിന്ന് 20 കിലോയിലേക്കാണ് കുറച്ചത്. ആഗ്സറ്റ് 19ന് ശേഷം ടിക്കറ്റ് ബുക്ക് ചെയ്തവർക്കാണ് ഈ നിയന്ത്രണം.
19ന് ശേഷം യാത്ര ചെയ്യുന്ന യാത്രക്കാർക്ക് 20 കിലോ ബഗേജും കിലോ ഹാൻഡ് ബാഗുമാണ് അനുവദിക്കുക. അതേസമയം 19-ാം തീയതിയ്ക്ക് മുൻപ് ടിക്കറ്റ് ബുക്ക് ചെയ്തവർക്ക് 30കിലോ ലഗേജ് കൊണ്ടുപോകാനാവുന്നതാണ്. എയർ ഇന്ത്യ എക്സ്പ്രസ് പുറത്തുവിട്ട പ്രസ്താവനയിൽ ഇക്കാര്യം വ്യക്തമാക്കുന്നുണ്ട്.
യുഎഇയിൽ മാത്രമാണ് ഈ നിയന്ത്രണം ഏർപ്പെടുത്തിയിരിക്കുന്നത്. മറ്റ് രാജ്യങ്ങളിൽ നിന്ന് വിമാന യാത്ര ചെയ്യുമ്പോൾ സൗജന്യ ലഗേജിന് നിയന്ത്രണം ഏർപ്പെടുത്തിയിട്ടില്ലെന്ന് ട്രാവൽ ഏജൻസികൾ അറിയിച്ചു.
