ട്രക്കുകൾക്ക്​ വിശ്രമിക്കാൻ മൂന്ന്​ വൻ കേന്ദ്രങ്ങളുമായി ദുബായ് ആർ.ടി.എ; ഒരേസമയം 500 ട്ര​ക്കു​ക​ൾ​ക്ക്​ സൗ​ക​ര്യ​മു​ണ്ടാ​കും

ദുബായ് – 500 ട്ര​ക്കു​ക​ളെ ഉ​ൾ​ക്കൊ​ള്ളു​ന്ന 2,26,000 സ്ക്വ​യ​ർ മീ​റ്റ​ർ വി​സ്തൃ​തി​യി​ലു​ള്ള സൗ​ക​ര്യമൊരുക്കി ട്ര​ക്കു​ക​ൾക്ക് വി​ശ്ര​മി​ക്കാ​ൻ ഇ​നി ദു​ബൈ​യി​ൽ ഹൈ​ടെ​ക്​ സൗ​ക​ര്യം നടപ്പിലാക്കുന്നു. അ​ഡ്​​നോ​ക്ക്, അ​ൽ മു​ത്തകാ​മി​ല എ​ന്നി സ്വ​കാ​ര്യ​മേ​ഖ​ല​യു​മാ​യി കൈകോർത്താണ് ദുബായ് റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) ഇത്തരം ഒരു പദ്ധതിക്ക് ഒരുങ്ങുന്നത്. ഏതു പ്രകാരം മൂ​ന്ന്​ വ​ൻ വിശാല വി​ശ്ര​മ​കേ​ന്ദ്രങ്ങളാണ്നി ർമിക്കുക.

ദുബായ് ജ​ബ​ൽ അ​ലി ഫ്രീ ​സോ​ണി​നും ആ​ൽ മ​ക്​​തൂം അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​നും സ​മീ​പ​ത്താ​യി ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ റോ​ഡി​ലും ദു​ബൈ ഇ​ൻ​ഡ​സ്​​ട്രി​യ​ൽ സി​റ്റി​ക്ക്​ സ​മീ​പ​വു​മാ​ണ്​ അ​ൽ മു​ത​കാ​മി​ല കേ​ന്ദ്ര​ങ്ങ​ൾ നി​ർ​മി​ക്കു​ക. ഒപ്പം എ​മി​റേ​റ്റ്​​സ്​ റോ​ഡി​ൽ അ​ൽ ത​യ്യ്​ റേ​സ്​​ട്രാ​ക്കി​ന് സ​മീ​പ​ത്താ​ണ്​ അ​ഡ്​​നോ​ക്​ ട്ര​ക്ക്​ റെ​സ്റ്റ്​ ​സ്​​റ്റോ​പ്​ നി​ർ​മി​ക്കു​ക.

ഡ്രൈ​വ​ർ​മാ​രു​ടെ സു​ര​ക്ഷി​ത​ത്വ​വും സൗ​ക​ര്യ​വും ഉ​റ​പ്പു​വ​രു​ത്തു​ന്ന​തി​ന്‍റെ ഭാ​ഗ​മാ​യി ഈ കേന്ദ്രങ്ങളിൽ ഡ്രൈ​വ​ർ​മാ​ർ​ക്ക്​ താ​മ​സ സൗ​ക​ര്യം, അ​റ്റ​കു​റ്റ​പ്പ​ണി​ക​ൾ​ക്ക്​ വ​ർ​ക്​​ഷോ​പ്, റ​സ്റ്റാ​റ​ന്‍റു​ക​ൾ, അ​ഡ്​​മി​നി​സ്ട്രേ​റ്റി​വ്​ കെ​ട്ടി​ടം, പ്രാ​ർ​ഥ​നാ​മു​റി​ക​ൾ, ഡ്രൈ​വ​ർ​മാ​ർ​ക്ക്​ പ​രി​ശീ​ല​ന​കേ​ന്ദ്രം, ക്ലി​നി​ക്ക്, ഫാ​ർ​മ​സി, എ​ക്സ്​​ചേ​ഞ്ച്​ ഷോ​പ്പു​ക​ൾ, ലോ​ൺ​ട്രി എ​ന്നി​ങ്ങ​നെ വി​വി​ധ സൗ​ക​ര്യ​ങ്ങ​ൾ ആ​ർ.​ടി.​എ പ​ദ്ധ​തിവഴി ന​ട​പ്പി​ലാ​ക്കു​ന്ന​ത്. ദി​വ​സേ​ന നൂ​റു​ക​ണ​ക്കി​ന്​ ട്ര​ക്കു​ക​ൾ ക​ട​ന്നു​പോ​കു​ന്ന സു​പ്ര​ധാ​ന റോ​ഡു​ക​ളു​ടെ സ​മീ​പ​ത്താ​യാ​ണ്​ സൗ​ക​ര്യം നി​ർ​മി​ക്കു​ക. കേ​ന്ദ്ര​ങ്ങ​ളി​​ലേ​ക്ക്​ പ്ര​വേ​ശി​ക്കാ​നും ഇ​റ​ങ്ങാ​നും അ​ന്താ​രാ​ഷ്​​ട്ര നി​ല​വാ​ര​ത്തി​ലെ സം​വി​ധാ​ന​ങ്ങ​ളാ​ണ്​ സജ്ജമാക്കുക.

വി​ശ്ര​മ​കേ​ന്ദ്ര​ങ്ങ​ൾ ഡ്രൈ​വ​ർ​മാ​ർ​ക്ക്​ ദൈ​നം​ദി​ന ആ​വ​ശ്യ​ങ്ങ​ൾ നി​ർ​വ​ഹി​ക്കാ​നു​ള്ള സൗ​ക​ര്യ​മൊ​രു​ക്കാ​നാ​ണെ​ന്നും ഇ​ക്കാ​ര്യ​ത്തി​ൽ സ്വ​കാ​ര്യ​മേ​ഖ​ല​യു​മാ​യി സ​ഹ​ക​രി​ക്കാ​നാ​വു​ന്ന​തി​ൽ സ​ന്തോ​ഷ​മു​ണ്ടെ​ന്നും ആ​ർ.​ടി.​എ എ​ക്സി​ക്യൂ​ട്ടി​വ്​ ഡ​യ​റ​ക്ട​ർ ബോ​ർ​ഡ്​ ചെ​യ​ൻ​മാ​ൻ മ​ത്വാ​ർ അ​ൽ താ​യ​ർ പ​റ​ഞ്ഞു. ​ഒപ്പം ദുബായിലേക്കുള്ള ട്ര​ക്ക്​ സേ​വ​ന​ങ്ങ​ളെ വി​ശ​ദ​മാ​യി പ​ഠി​ച്ച​​ശേ​ഷ​മാ​ണ്​ കേ​ന്ദ്ര​ങ്ങ​ൾ നി​ർ​മി​ക്കു​ന്ന സ്ഥ​ല​ങ്ങ​ൾ നി​ർ​ണ​യി​ച്ച​തെ​ന്നും ക​ര​മാ​ർ​ഗ​മു​ള്ള ച​ര​ക്കു​ക​ട​ത്തി​ന്​ കൂ​ടു​ത​ൽ സ​ഹാ​യ​മാ​യി കേ​ന്ദ്ര​ങ്ങ​ൾ മാ​റു​മെ​ന്നും അ​ദ്ദേ​ഹം കൂട്ടിച്ചേർത്തു.

ഈ പദ്ധതി പ്രകാരം അ​ബൂ​ദ​ബി നാ​ഷ​ന​ൽ ഓ​യി​ൽ ക​മ്പ​നി​യാ​യ അ​ഡ്​​നോ​ക്കി​ന്​ ഒ​രു കേ​ന്ദ്രം നി​ർ​മി​ക്കാ​നു​ള്ള ക​രാ​റും വാ​ഹ​ന​പ​രി​ശോ​ധ​ന, ര​ജി​സ്​​ട്രേ​ഷ​ൻ വി​ഭാ​ഗ​മാ​യ അ​ൽ മു​ത​കാ​മി​ല​ക്ക്​ ര​ണ്ട്​ ക​രാ​റു​ക​ളു​മാ​ണ്​ ന​ൽ​കി​യ​ത്. ട്ര​ക്കു​ക​ൾ​ക്ക്​ പു​റ​മെ, ഭാ​ര​മേ​റി​യ മ​റ്റു വാ​ഹ​ന​ങ്ങ​ൾ​ക്കും കേ​ന്ദ്ര​ത്തി​ൽ പ്ര​വേ​ശ​നം അ​നു​വ​ദി​ക്കും. ട്ര​ക്കു​ക​ൾ റോ​ഡ​രി​കി​ലും താ​മ​സ​സ്ഥ​ല​ങ്ങ​ൾ​ക്ക്​ സ​മീ​പ​ത്തും നി​ർ​ത്തി​യി​ടു​ന്ന​തി​ന്‍റെ പ്ര​യാ​സം ഇ​ല്ലാ​താ​ക്കാ​നും, ഓ​രോ​ദി​വ​സ​വും ആ​യി​ര​ക്ക​ണ​ക്കി​ന്​ ട്ര​ക്കു​ക​ൾ വ​ഴി ച​ര​ക്ക്​ ക​ട​ത്തു​ക​ൾ ന​ട​ക്കു​ന്ന ദു​ബൈ​യി​ൽ ഇ​ത്​ വ​ള​രെ​യ​ധി​കം ഉ​പ​കാ​ര​പ്പെ​ടു​ത്താനും ഇ​തി​ന്‍റെ നി​ർ​മാ​ണം സ​ഹാ​യി​ക്കും.

ഇതാദ്യമായാണ് ദുബായിൽ​ ഇ​ത്ത​ര​ത്തി​ൽ​ പൊ​തു-​സ്വ​കാ​ര്യ പ​ങ്കാ​ളി​ത്ത​ത്തോടെ ട്ര​ക്കു​ക​ൾ​ക്കാ​യി വിശാലമായ വിശ്രമകേ​ന്ദ്ര പ​ദ്ധ​തി നടപ്പിലാക്കുവാൻ ഒരുങ്ങുന്നത്.