ദുബായ്: ഹിജ്റ വർഷാരംഭത്തോടനുബന്ധിച്ച് ദുബായിലെ സർക്കാർ ജീവനക്കാർക്ക് 2026 ജൂൺ 15 തിങ്കളാഴ്ച ഔദ്യോഗിക പൊതുഅവധി പ്രഖ്യാപിച്ചു. ദുബായ് ഹ്യൂമൻ റിസോഴ്സസ് ഡിപ്പാർട്ട്മെന്റാണ് (DGHR) ഈ ഉത്തരവ് പുറപ്പെടുവിച്ചിട്ടുള്ളത്. ശനി, ഞായർ വാരാന്ത്യ അവധികൾക്കൊപ്പം തിങ്കളാഴ്ചയും കൂടി ലഭിക്കുന്നതോടെ സർക്കാർ മേഖലയിലുള്ളവർക്ക് തുടർച്ചയായി മൂന്ന് ദിവസത്തെ ലോങ് വീക്കെൻഡ് ആസ്വദിക്കാനുള്ള അവസരമാണ് ഇതിലൂടെ ഒരുങ്ങുന്നത്.
എന്നാൽ അടിയന്തര പൊതുസേവന മേഖലകളിലുള്ള സ്ഥാപനങ്ങൾ പൊതുജനങ്ങൾക്ക് ബുദ്ധിമുട്ടുണ്ടാക്കാത്ത രീതിയിൽ ഷിഫ്റ്റുകളിൽ മാറ്റം വരുത്തി സാധാരണ പോലെ പ്രവർത്തിക്കും. കടുത്ത ചൂടുള്ള ജൂൺ മാസത്തിൽ ലഭിക്കുന്ന ഈ തുടർച്ചയായ അവധി പ്രവാസികൾ ഉൾപ്പെടെയുള്ള ജീവനക്കാർക്ക് വലിയൊരു ആശ്വാസമായിരിക്കും.
ഹിജ്റ വർഷാരംഭം: ദുബായിലെ സർക്കാർ ജീവനക്കാർക്ക് ജൂൺ 15 ന് ഔദ്യോഗിക പൊതുഅവധി പ്രഖ്യാപിച്ചു
