FeaturedGulf

ഷാർജ രാജ്യാന്തര പുസ്തകമേള; 11.5 ലക്ഷത്തിലധികം സന്ദർശകർ

വായനയുടെ ആഘോഷത്തിന് പുതിയ ചരിത്രം കുറിച്ച് 45-ാമത് ഷാർജ രാജ്യാന്തര പുസ്തകമേളയ്ക്ക് സമാപനം. പന്ത്രണ്ട് ദിവസം നീണ്ടുനിന്ന അക്ഷരങ്ങളുടെ മഹോത്സവത്തിൽ ഇത്തവണ എത്തിയത് 208 രാജ്യങ്ങളിൽ നിന്നായി 11.5 ലക്ഷത്തിലധികം സന്ദർശകർ. മേളയെക്കുറിച്ചുള്ള സന്ദർശകരുടെ സംതൃപ്തി 99.16 ശതമാനത്തിലെത്തിയതും ശ്രദ്ധേയമായി.

‘കഥകളാൽ നിർമിതം’ എന്ന പ്രമേയത്തിൽ നവംബർ നാലു മുതൽ 15 വരെ ഷാർജ എക്സ്പോ സെന്ററിൽ നടന്ന മേളയിൽ 126 രാജ്യങ്ങളിൽ നിന്നുള്ള 3,626 പ്രസാധകരും പ്രദർശകരുമാണ് പങ്കെടുത്തത്. 17 ലക്ഷത്തോളം പുസ്തകങ്ങൾ വായനക്കാർക്കായി ഒരുക്കിയിരുന്നു. മുൻവർഷത്തെ അപേക്ഷിച്ച് പുസ്തക വിൽപനയിൽ 16 ശതമാനം വളർച്ചയും രേഖപ്പെടുത്തി.

വായനയ്ക്കപ്പുറം സാഹിത്യത്തിന്റെയും കലയുടെയും സാംസ്കാരിക വൈവിധ്യങ്ങളുടെയും സംഗമവേദിയായി മാറിയ മേളയിൽ 25 രാജ്യങ്ങളിൽ നിന്നുള്ള 106 എഴുത്തുകാരും കലാകാരന്മാരും പങ്കെടുത്തു. ഏകദേശം 1,500 സാംസ്കാരിക പരിപാടികളാണ് അരങ്ങേറിയത്. പുതുതലമുറയിൽ വായനാശീലം വളർത്തുകയെന്ന ലക്ഷ്യത്തോടെ 85,000 സ്കൂൾ വിദ്യാർഥികളും മേള സന്ദർശിച്ചു.

പ്രസാധന രംഗത്തും ഷാർജയുടെ ആഗോള സ്വാധീനം വീണ്ടും അടയാളപ്പെടുത്തുന്നതായിരുന്നു ഇത്തവണത്തെ മേള. തുടർച്ചയായ ആറാം വർഷവും ലോകത്തിലെ ഏറ്റവും വലിയ പകർപ്പവകാശ വിപണിയെന്ന നേട്ടം ഷാർജ നിലനിർത്തി. 16-ാമത് അന്താരാഷ്ട്ര പ്രസാധക സമ്മേളനത്തിൽ 1,888 പ്രസാധകർ പങ്കെടുത്തപ്പോൾ 7,966 പകർപ്പവകാശ-വിവർത്തന കരാർ ചർച്ചകളാണ് നടന്നത്.

മേളയുടെ ഭാഗമായി ഷാർജയിലെ പൊതുവായനശാലകളിലേക്ക് പുസ്തകങ്ങൾ വാങ്ങുന്നതിനായി ഭരണാധികാരി ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി 45 ലക്ഷം ദിർഹം അനുവദിച്ചു. ഇത്തവണത്തെ അതിഥി രാജ്യമായ ഒമാനും 50 അംഗ സംഘത്തിലൂടെ സ്വന്തം സാംസ്കാരിക പൈതൃകം ലോകത്തിന് മുന്നിൽ അവതരിപ്പിച്ചു.

വായനക്കാരെയും എഴുത്തുകാരെയും പ്രസാധകരെയും ഒരേ വേദിയിൽ ഒന്നിപ്പിച്ച്, പുസ്തകങ്ങളിലൂടെ ലോകത്തെ കൂടുതൽ അടുപ്പിച്ച മറ്റൊരു മഹത്തായ അധ്യായത്തിനാണ് ഇതോടെ തിരശ്ശീല വീണത്. അക്ഷരങ്ങളുടെ ഈ ആഘോഷം സമ്മാനിച്ച നേട്ടങ്ങളുമായി അടുത്ത പതിപ്പിനായുള്ള കാത്തിരിപ്പിലാണ് പുസ്തകപ്രേമികൾ.

Shares:

Related Posts

Breaking News

ഇന്ത്യൻ പ്രവാസികൾക്ക് പ്രതീക്ഷയേകി ‘വിസ്എയ‍ർ’: യുഎഇ – ഇന്ത്യ സെക്ടർ സർവ്വീസ് ഉടൻ

ദുബായ് - യു.എ.ഇയുടെ ചെലവ് കുറഞ്ഞ വിമാനസർവ്വീസായ വിസ്എയർ അബുദബി ഇന്ത്യയിലേക്ക് സർവ്വീസ്ആ രംഭിക്കാനൊരുങ്ങുന്നു. ഇതുമായി ബന്ധപ്പെട്ട നടപടിക്രമങ്ങള്‍ പുരോഗമിക്കുകയാണ് എന്ന് അധികൃതർ പുറത്തിറക്കിയ വാർത്താകുറിപ്പിൽ അറിയിച്ചു. നിലവിൽ ഏറ്റവും കൂടതല്‍ ഉപഭോക്താക്കളുള്ള സെക്ട‍റുകളിലൊന്നാണ് യുഎഇ- ഇന്ത്യ. നടപടിക്രമങ്ങള്‍ പൂർത്തിയായാല്‍ ഉടനെത്തന്നെ
Gulf

ഐ.എൽ.ടി ട്വന്‍റി ലീഗ്​ യു.എ.ഇ ക്രിക്കറ്റിന്​ കരുത്ത്​ പകരും; വെസ്റ്റിൻഡീസ്​ താരങ്ങളായ കീറൺ പൊള്ളാഡും ഡ്വൈൻ ബ്രാവോയും

ദുബായ് - യു.എ.ഇ ആതിഥ്യമരുളുന്ന പ്രഥമ ഇന്‍റർനാഷനൽ ലീഗ്​ ട്വന്‍റി 20 ചാമ്പ്യൻഷിപ്പ്​ യു.എ.ഇ ക്രിക്കറ്റിന്​ കരുത്ത്​ പകരുമെന്ന്​ വെസ്റ്റിൻഡീസ്​ താരങ്ങളായ കീറൺ പൊള്ളാഡും ഡ്വൈൻ ബ്രാവോയും. ജെ.ബി.എസ് ഗ്രൂപ്പ്‌ ഓഫ് കമ്പനിയുടെ ആസ്ഥാനമായ ജെ.ബി.എസ് ഗവൺമെന്‍റ്​ ട്രാൻസക്ഷൻ സെന്‍ററിൽ ഗോൾഡൻ
Entertainment

യു.എ.ഇ. യില്‍ വസന്തകാലമാകുന്നതോടെ വിനോദസഞ്ചാരത്തിനും തിരക്കേറി.

ദുബായ് - പൂക്കളും പൂമ്പാറ്റകളും പുഴകളും കൊച്ചുജലാശയങ്ങളും മരുഭൂമിയും കാണാനായി ഇന്ത്യയില്‍ നിന്നടക്കം യു.എ.ഇ. എന്ന പറുദീസയിലേക്ക്  വിനോദസഞ്ചാരികളെത്തുകയാണ്. കോവിഡിനുശേഷമുള്ള വിനോദസഞ്ചാര മേഖലയുടെ ഉണര്‍വ് ആസ്വദിക്കുകയാണ് വിദേശത്തുനിന്നുമെത്തുന്നവര്‍. സന്ദര്‍ശകര്‍ക്കുപുറമെ താമസക്കാരും വിനോദസഞ്ചാര മേഖലകള്‍ ആസ്വദിക്കാനുള്ള ഒരുക്കം തുടങ്ങി. ദുബായിലെ പതിവുകാഴ്ചകളും അബുദാബി
Gulf

നബി ദിനം: ഒമാനില്‍ ഒക്ടോബര്‍ ഒൻപതിന് പൊതുഅവധി.

മസ്‌കത്ത് - നബിദിനം പ്രമാണിച്ച് ഒക്ടോബര്‍ ഒൻപത് ഞായറാഴ്ച രാജ്യത്ത് പൊതുഅവധി പ്രഖ്യാപിച്ചു. സര്‍ക്കാര്‍, സ്വകാര്യ മേഖലകളില്‍ അന്നേ ദിവസം അവധിയായിരിക്കുമെന്നും ഒമാന്‍ ന്യൂസ് ഏജന്‍സി റിപ്പോര്‍ട്ട് ചെയ്തു.
Leave a Reply

Your email address will not be published. Required fields are marked *