Breaking NewsFeatured

പശ്ചിമേഷ്യൻ സംഘർഷങ്ങൾക്ക് നയതന്ത്ര പരിഹാരം വേണം; ഇസ്താംബൂളിൽ നാലുരാജ്യങ്ങളുടെ സംയുക്ത പ്രസ്താവന

ഇസ്താംബൂൾ: പശ്ചിമേഷ്യയിലെ സംഘർഷങ്ങൾക്കും അസ്ഥിരതയ്ക്കും പരിഹാരം കാണാൻ നയതന്ത്ര നീക്കങ്ങൾ ശക്തമാക്കണമെന്ന് സൗദി അറേബ്യ, തുർക്കി, ഈജിപ്ത്, പാകിസ്ഥാൻ എന്നീ രാജ്യങ്ങളിലെ വിദേശകാര്യ മന്ത്രിമാർ. ഇസ്താംബൂളിൽ ചേർന്ന നാലുരാജ്യങ്ങളുടെ ക്വാർട്ടറ്റ് യോഗത്തിലാണ് പ്രാദേശിക വിഷയങ്ങളിൽ സംയുക്ത നിലപാട് വ്യക്തമാക്കിയത്.

പശ്ചിമേഷ്യയിലെയും അതിനപ്പുറത്തെയും അസ്ഥിരതയ്ക്ക് ഇസ്രയേൽ അധിനിവേശവും നയങ്ങളും പ്രധാന കാരണമാണെന്ന് മന്ത്രിമാർ പ്രസ്താവനയിൽ ആരോപിച്ചു. ഐക്യരാഷ്ട്രസഭയുടെ പ്രമേയങ്ങൾക്കനുസരിച്ച് ദ്വിരാഷ്ട്ര പരിഹാരം അടിയന്തരമായി നടപ്പാക്കണമെന്നും ആവശ്യപ്പെട്ടു.

1967 ജൂൺ നാലിലെ അതിർത്തികളെ അടിസ്ഥാനമാക്കി, കിഴക്കൻ ജറുസലേം തലസ്ഥാനമായി സ്വതന്ത്രവും പരമാധികാരവുമുള്ള ഫലസ്തീൻ രാഷ്ട്രം സ്ഥാപിക്കണമെന്നാണ് ആവശ്യം. ഫലസ്തീനിലെ അക്രമങ്ങൾ അവസാനിപ്പിക്കുക, വെസ്റ്റ് ബാങ്കിലെയും ജറുസലേമിലെയും കുടിയേറ്റ പ്രവർത്തനങ്ങൾ നിർത്തുക, ഗാസയിലേക്ക് തടസ്സമില്ലാതെ മാനുഷിക സഹായം എത്തിക്കുക, പുനർനിർമാണം വേഗത്തിലാക്കുക എന്നീ ആവശ്യങ്ങളും മന്ത്രിമാർ മുന്നോട്ടുവച്ചു.

യെമനിലെ ഹൂതി സായുധസംഘത്തിന്റെ ആക്രമണങ്ങളെയും ചെങ്കടലിലെയും ബാബ് അൽ മന്ദബ് കടലിടുക്കിലെയും വാണിജ്യ കപ്പലുകൾക്കുനേരെയുള്ള ആക്രമണങ്ങളെയും മന്ത്രിമാർ ശക്തമായി അപലപിച്ചു. സൗദി അറേബ്യയ്ക്കും യെമൻ സർക്കാരിനും പിന്തുണ പ്രഖ്യാപിച്ച അവർ, ഹൂതികൾ സൈനിക നടപടികൾ അവസാനിപ്പിച്ച് രാഷ്ട്രീയ ചർച്ചകളിലേക്ക് മടങ്ങണമെന്നും ആവശ്യപ്പെട്ടു.

അമേരിക്ക–ഇസ്രയേൽ–ഇറാൻ സംഘർഷം സംഭാഷണത്തിലൂടെയും നയതന്ത്രത്തിലൂടെയും മാത്രമേ പരിഹരിക്കാവൂ എന്നും പ്രസ്താവനയിൽ വ്യക്തമാക്കി. സാധാരണക്കാർക്കും സിവിലിയൻ അടിസ്ഥാനസൗകര്യങ്ങൾക്കും കപ്പലുകൾക്കും നേരെയുള്ള ആക്രമണങ്ങൾ ഒഴിവാക്കണമെന്നും ഇസ്ലാമാബാദിൽ ഒപ്പുവച്ച ധാരണാപത്രത്തെ പിന്തുണയ്ക്കുന്നതായും മന്ത്രിമാർ അറിയിച്ചു.

ഹോർമുസ് കടലിടുക്കിലൂടെയുള്ള സുരക്ഷിതവും തടസ്സരഹിതവുമായ കപ്പൽഗതാഗതം എത്രയും വേഗം പുനഃസ്ഥാപിക്കണമെന്നും പ്രസ്താവന ആവശ്യപ്പെട്ടു. സമുദ്രഗതാഗതത്തിലെ തടസ്സങ്ങൾ ആഗോള വിതരണശൃംഖലയെയും ഊർജം, വളം, ഭക്ഷണം എന്നിവയുടെ നീക്കത്തെയും ബാധിക്കുമെന്നും ഇത് മേഖലയിലെയും പുറത്തുമുള്ള ദുർബല ജനവിഭാഗങ്ങളുടെ ജീവിതത്തെ പ്രതികൂലമായി ബാധിക്കുമെന്നും മന്ത്രിമാർ മുന്നറിയിപ്പ് നൽകി.

Shares:

Related Posts

Gulf

എ​ക്‌​സ്‌​പോ​ഷ​ർ അ​വാ​ർ​ഡു​ക​ൾ പ്ര​ഖ്യാ​പി​ച്ചു

എ​ക്‌​സ്‌​പോ​ഷ​ർ ഇ​ന്‍റ​ർ​നാ​ഷ​ന​ൽ ഫോ​ട്ടോ​ഗ്ര​ഫി ഫെ​സ്റ്റി​വ​ലി​ന്‍റെ ഏ​ഴാം പ​തി​പ്പി​ന്‍റെ അ​വാ​ർ​ഡു​ക​ൾ പ്ര​ഖ്യാ​പി​ച്ചു.
Breaking News

സുൽത്താൻ ഹൈതം ബിൻ താരിഖ് നാളെ ബ്രിട്ടനിൽ; ഔദ്യോഗിക സന്ദർശനം

മസ്കത്ത്: ഒമാൻ ഭരണാധികാരി സുൽത്താൻ ഹൈതം ബിൻ താരിഖ് തിങ്കളാഴ്ച ബ്രിട്ടനിൽ ഔദ്യോഗിക സന്ദർശനം നടത്തും. ബ്രിട്ടീഷ് രാജാവ് ചാൾസ് മൂന്നാമന്റെ ക്ഷണപ്രകാരമാണ് സന്ദർശനം. ഒമാനും ബ്രിട്ടനും തമ്മിലുള്ള ചരിത്രപരമായ ബന്ധം കൂടുതൽ ശക്തിപ്പെടുത്തുന്നതിനും വിവിധ മേഖലകളിലെ സഹകരണം വിപുലീകരിക്കുന്നതിനുമാണ് സന്ദർശനമെന്ന്
Business

2023 വർഷം മികച്ച ജീവിതശൈലി നിലനിർത്താൻ ബോധവത്കരണവുമായി ദുബായ് പ്രൊജക്ഷന്‍ ഹൗസ്

ദുബായ് - സുസ്ഥിരതാ വര്‍ഷമായി ആചരിക്കുന്ന യു.എ.ഇയുടെ ആശയങ്ങളോട് ചേര്‍ന്നുനിന്നുകൊണ്ട് ദുബായ് പ്രൊജക്ഷന്‍ ഹൗസ് പുതിയ സംരംഭങ്ങള്‍ പ്രഖ്യാപിച്ചു. ഈ വര്‍ഷമുടനീളം ഓരോ മാസവും ഓരോ മികച്ച ജീവിതശീലങ്ങള്‍ പ്രോത്സാഹിപ്പിക്കുകയാണ് പ്രൊജക്ഷന്‍ ഹൗസ് ലക്ഷ്യമിടുന്നത്. പ്രധാനമായും തൊഴിലിടങ്ങളിലെ അനാരോഗ്യകരമായ ശീലങ്ങള്‍ക്ക് പരിഹാരം
Leave a Reply

Your email address will not be published. Required fields are marked *