ദുബായ്: ഗൾഫ് രാജ്യങ്ങളിലെ ഇന്ത്യക്കാരുടെ ദീപാവലി ആഘോഷങ്ങളും പാരമ്പര്യങ്ങളും പങ്കുവെച്ച് ടാറ്റ ഗ്രൂപ്പിന്റെ ആഭരണ ബ്രാൻഡായ തനിഷ്‌ക്. ‘ഷെയർ ദ ലൈറ്റ്, ദിസ് ഇന്ത്യ് വാലി ദീപാവലി’ എന്ന പേരിലാണ് 2026-ലെ ദീപാവലി ക്യാംപെയ്ൻ ആരംഭിച്ചത്.
നാട്ടിൽനിന്ന് അകന്ന് ഗൾഫ് രാജ്യങ്ങളിൽ ജീവിക്കുമ്പോഴും ഇന്ത്യൻ പാരമ്പര്യങ്ങളും ആഘോഷങ്ങളും നിലനിർത്തുന്ന കുടുംബങ്ങളുടെ അനുഭവങ്ങളാണ് ക്യാംപെയ്‌നിന്റെ പ്രമേയം. അയൽക്കാർ, സുഹൃത്തുക്കൾ, സഹപ്രവർത്തകർ തുടങ്ങി വിവിധ സംസ്കാരങ്ങളിൽ നിന്നുള്ളവരുമായി ദീപാവലിയുടെ സന്തോഷം പങ്കിടുന്നതും ക്യാംപെയ്ൻ എടുത്തുകാട്ടുന്നു.
ദീപാവലി സമ്മാനങ്ങളിലൂടെയും കുടുംബബന്ധങ്ങളിലൂടെയും ആഭരണങ്ങൾ തലമുറകളിലേക്ക് കൈമാറുന്ന ഓർമകളിലൂടെയും സ്നേഹവും ഒരുമയും ആഘോഷിക്കുകയാണ് തനിഷ്കിന്റെ ലക്ഷ്യം.
ഉത്സവകാലത്തോടനുബന്ധിച്ച് യുഎഇ, ഖത്തർ, കുവൈത്ത്, ഒമാൻ എന്നിവിടങ്ങളിലെ തനിഷ്‌ക് ഷോറൂമുകളിൽ പ്രത്യേക ഓഫറുകളും പ്രഖ്യാപിച്ചിട്ടുണ്ട്. വജ്രത്തിന്റെ വിലയിലും പണിക്കൂലിയിലും 25 ശതമാനം വരെ ഇളവും പഴയ സ്വർണം മാറ്റിവാങ്ങുമ്പോൾ പ്രത്യേക ആനുകൂല്യങ്ങളും ലഭിക്കും. വിപണിക്കനുസരിച്ചുള്ള നിബന്ധനകൾ ബാധകമാണ്.
