ദുബായ്: യു.എ.ഇ യിലെ പ്രമുഖ ജ്വല്ലറി ഗ്രൂപ്പായ നിഷ്‌കയുടെ മൂന്നാമത്തേതും ഏറ്റവും വലുതുമായ ഷോറൂം അബുദാബിയിലെ മുസഫയിൽ ഈ മാസം 25ന് വൈകിട്ട് 4 മണിക്ക് പ്രശസ്ത സിനിമാ താരം സമാന്ത റൂത്ത് പ്രഭുവാണ് ഉദ്ഘാടനം നിർവഹിക്കും. നിഷ്ക മൊമന്‍റ്സ് ജ്വല്ലറി ഗ്രൂപ്പ് ചെയർമാൻ നിഷിൻ തസ്ലിൻ സി.എം ദുബായിൽ നടത്തിയ വാർത്താസമ്മേളനത്തിലാണ് അറിയിച്ചത്. ഇതോടൊപ്പം ലോകമെമ്പാടും 100 ഷോറൂം എന്ന ലക്ഷ്യത്തിലേക്ക്തി അതിവേഗം കുതിച്ചുകൊണ്ടിരിക്കുകയാണെന്നും നിഷിൻ തസ്ലിൻ സി.എം പറഞ്ഞു. ഏറ്റവും കുറഞ്ഞ പണിക്കൂലിയിൽ മികച്ച ആഭരണ കളക്ഷനുകൾ ലഭ്യമാക്കുന്ന, പ്രദേശത്തെ തന്നെ ഏറ്റവും വലിയ ഷോറൂം തുറക്കുക എന്നത് നിഷ്‌കയുടെ വളർച്ചയിലെ ഒരു പ്രധാന നാഴികക്കല്ലാണെന്ന് അദ്ദേഹം കൂട്ടിച്ചേർത്തു.
ഗ്രാൻഡ് ലോഞ്ചിന്, ഒരു കിലോ സ്വർണമാണ് സമ്മാനങ്ങളായി നിഷ്ക നൽകുന്നത്. 2000 ദിർഹത്തിന്‍റെ ഓരോ പർച്ചേസുകൾക്കും സ്വർണ നാണയവും ഭാഗ്യശാലികൾക്ക് ഗ്രാൻഡ് ഡ്രോയിലൂടെ 200 ഗ്രാം ഗോൾഡും നൽകും. ഏപ്രിൽ 25 മുതൽ ജൂൺ 1 വരെ നീളുന്ന ആഘോഷങ്ങളിൽ മികച്ച ഓഫറുകളും സമ്മാനങ്ങളും ഒരുക്കിയിട്ടുണ്ട്. നിഷ്കമോമെന്റസ് ജ്വല്ലറി ചെയർമാൻ – നിഷിൻ തസ്ലിൻ സിഎം, മാനേജിങ് ഡയറക്ടർ – റിസ്വാൻ ഷിറാസ് സിഎം, കോ -ചെയർമാൻ – വി.എ. ഹസ്സൻ (ചെയർമാൻ – എസ്. ബി. കെ. റിയൽ എസ്റ്റേറ്റ് & ഫ്ലോറ ഹോട്ടൽസ്) എന്നിവർ വാർത്താ സമ്മേളനത്തിൽ പങ്കെടുത്തു.
