യു.എ.ഇയും പശ്ചിമാഫ്രിക്കൻ രാജ്യമായ ബെനിനും തമ്മിലുള്ള സമഗ്ര സാമ്പത്തിക പങ്കാളിത്ത കരാർ പ്രഖ്യാപിച്ചു. യു.എ.ഇ പ്രസിഡന്റും ബെനിൻ പ്രസിഡന്റും പങ്കെടുത്ത ചടങ്ങിലാണ് കരാർ പ്രഖ്യാപിച്ചത്.
ഇരു രാജ്യങ്ങളും തമ്മിലുള്ള സാമ്പത്തിക ബന്ധങ്ങൾ കൂടുതൽ ശക്തിപ്പെടുത്തുന്നതിനും വ്യാപാര-നിക്ഷേപ മേഖലകളിലെ സഹകരണം വിപുലീകരിക്കുന്നതിനും ലക്ഷ്യമിട്ടുള്ളതാണ് കരാർ. ചടങ്ങിൽ വിവിധ ധാരണാപത്രങ്ങളും സഹകരണ പ്രോട്ടോക്കോളുകളും കൈമാറി. വിവിധ മേഖലകളിൽ ഉഭയകക്ഷി സഹകരണം മെച്ചപ്പെടുത്തുന്നതിനുള്ള നടപടികളുടെ ഭാഗമായാണ് ധാരണാപത്രങ്ങൾ കൈമാറിയത്.
കരാർ പ്രാബല്യത്തിൽ വരുന്നതുമായി ബന്ധപ്പെട്ട നടപടികളും കരാറിന്റെ പ്രധാന വ്യവസ്ഥകളും സംബന്ധിച്ച കൂടുതൽ വിവരങ്ങൾ ഔദ്യോഗികമായി ലഭ്യമാകുന്നതനുസരിച്ച് വ്യക്തമാകും.
