FeaturedGulf

ഷാർജ രാജ്യാന്തര പുസ്തകമേള; 11.5 ലക്ഷത്തിലധികം സന്ദർശകർ

വായനയുടെ ആഘോഷത്തിന് പുതിയ ചരിത്രം കുറിച്ച് 45-ാമത് ഷാർജ രാജ്യാന്തര പുസ്തകമേളയ്ക്ക് സമാപനം. പന്ത്രണ്ട് ദിവസം നീണ്ടുനിന്ന അക്ഷരങ്ങളുടെ മഹോത്സവത്തിൽ ഇത്തവണ എത്തിയത് 208 രാജ്യങ്ങളിൽ നിന്നായി 11.5 ലക്ഷത്തിലധികം സന്ദർശകർ. മേളയെക്കുറിച്ചുള്ള സന്ദർശകരുടെ സംതൃപ്തി 99.16 ശതമാനത്തിലെത്തിയതും ശ്രദ്ധേയമായി.

‘കഥകളാൽ നിർമിതം’ എന്ന പ്രമേയത്തിൽ നവംബർ നാലു മുതൽ 15 വരെ ഷാർജ എക്സ്പോ സെന്ററിൽ നടന്ന മേളയിൽ 126 രാജ്യങ്ങളിൽ നിന്നുള്ള 3,626 പ്രസാധകരും പ്രദർശകരുമാണ് പങ്കെടുത്തത്. 17 ലക്ഷത്തോളം പുസ്തകങ്ങൾ വായനക്കാർക്കായി ഒരുക്കിയിരുന്നു. മുൻവർഷത്തെ അപേക്ഷിച്ച് പുസ്തക വിൽപനയിൽ 16 ശതമാനം വളർച്ചയും രേഖപ്പെടുത്തി.

വായനയ്ക്കപ്പുറം സാഹിത്യത്തിന്റെയും കലയുടെയും സാംസ്കാരിക വൈവിധ്യങ്ങളുടെയും സംഗമവേദിയായി മാറിയ മേളയിൽ 25 രാജ്യങ്ങളിൽ നിന്നുള്ള 106 എഴുത്തുകാരും കലാകാരന്മാരും പങ്കെടുത്തു. ഏകദേശം 1,500 സാംസ്കാരിക പരിപാടികളാണ് അരങ്ങേറിയത്. പുതുതലമുറയിൽ വായനാശീലം വളർത്തുകയെന്ന ലക്ഷ്യത്തോടെ 85,000 സ്കൂൾ വിദ്യാർഥികളും മേള സന്ദർശിച്ചു.

പ്രസാധന രംഗത്തും ഷാർജയുടെ ആഗോള സ്വാധീനം വീണ്ടും അടയാളപ്പെടുത്തുന്നതായിരുന്നു ഇത്തവണത്തെ മേള. തുടർച്ചയായ ആറാം വർഷവും ലോകത്തിലെ ഏറ്റവും വലിയ പകർപ്പവകാശ വിപണിയെന്ന നേട്ടം ഷാർജ നിലനിർത്തി. 16-ാമത് അന്താരാഷ്ട്ര പ്രസാധക സമ്മേളനത്തിൽ 1,888 പ്രസാധകർ പങ്കെടുത്തപ്പോൾ 7,966 പകർപ്പവകാശ-വിവർത്തന കരാർ ചർച്ചകളാണ് നടന്നത്.

മേളയുടെ ഭാഗമായി ഷാർജയിലെ പൊതുവായനശാലകളിലേക്ക് പുസ്തകങ്ങൾ വാങ്ങുന്നതിനായി ഭരണാധികാരി ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി 45 ലക്ഷം ദിർഹം അനുവദിച്ചു. ഇത്തവണത്തെ അതിഥി രാജ്യമായ ഒമാനും 50 അംഗ സംഘത്തിലൂടെ സ്വന്തം സാംസ്കാരിക പൈതൃകം ലോകത്തിന് മുന്നിൽ അവതരിപ്പിച്ചു.

വായനക്കാരെയും എഴുത്തുകാരെയും പ്രസാധകരെയും ഒരേ വേദിയിൽ ഒന്നിപ്പിച്ച്, പുസ്തകങ്ങളിലൂടെ ലോകത്തെ കൂടുതൽ അടുപ്പിച്ച മറ്റൊരു മഹത്തായ അധ്യായത്തിനാണ് ഇതോടെ തിരശ്ശീല വീണത്. അക്ഷരങ്ങളുടെ ഈ ആഘോഷം സമ്മാനിച്ച നേട്ടങ്ങളുമായി അടുത്ത പതിപ്പിനായുള്ള കാത്തിരിപ്പിലാണ് പുസ്തകപ്രേമികൾ.

Shares:

Related Posts

Gulf

റാ​ക് ഹോ​സ്പി​റ്റ​ല്‍ ഡ​യ​ബ​റ്റി​ക് ച​ല​ഞ്ച്: മ​ല​യാ​ളി​കൾ ഉൾപ്പെടെയുള്ളവർ വിജയികൾ

റാ​സ​ല്‍ഖൈ​മ - പ്രവാസലോകത്ത്‌ ദിനേന വർദ്ധിച്ചു വരുന്ന പ്ര​മേ​ഹ​ രോ​ഗത്തിനെതിരെ ശ്കതമായ ബോ​ധ​വ​ത്ക​ര​ണം ല​ക്ഷ്യ​മാ​ക്കി ആ​രോ​ഗ്യ മ​ന്ത്രാ​ല​യ​വു​മാ​യി സ​ഹ​ക​രി​ച്ച് റാ​ക് ഹോ​സ്പി​റ്റ​ല്‍ സം​ഘ​ടി​പ്പി​ച്ച ഡ​യ​ബ​റ്റി​ക് ച​ല​ഞ്ചി​ന്‍റെ വിജയികൾക്ക് സ​മ്മാ​ന​ങ്ങ​ൾ വി​ത​ര​ണം ചെ​യ്തു. വ്യത്യസ്ത കാ​റ്റ​ഗ​റി​ക​ളി​ൽ മ​ല​യാ​ളി​കൾ ഉൾപ്പെടെയുള്ളവർ ജേ​താ​ക്ക​ളാ​യി. ഏകദേശം 3000ൽ
Breaking News

വാഹനഉടമകൾക്ക് കടുത്ത നിർദ്ദേശവുമായി ദുബായ് മുൻസിപ്പാലിറ്റി.

ദുബായ്: കൃത്യമായി വൃത്തിയും വെടിപ്പുമില്ലാതെ കൊണ്ടുനടക്കുന്ന വാഹനങ്ങള്‍ കണ്ടെത്തിയാല്‍ ഉടമയ്ക്ക് 500 ദര്‍ഹം പിഴ ചുമത്തുമെന്നാണ് ദുബായ് മുൻസിപ്പാലിറ്റി. നഖ്‌അഗരത്തിലെ പൊതുപാര്‍ക്കിങ് മേഖലകളില്‍ വൃത്തിയില്ലാത്ത വാഹനം പാര്‍ക്ക് ചെയ്താലാണ് നടപടിസ്വീകരിക്കുക എന്ന് അധികൃതർ പുറത്തിറക്കിയ സർക്കുലറിൽ വ്യക്തമാക്ക. വാഹനം വൃത്തിയാക്കുന്നതിന് ഉടമയ്ക്ക്
Breaking News

ലോകത്തിലെ ഏറ്റവും നീളമേറിയ എണ്ണക്കിണര്‍ എന്ന റെക്കോഡ് ഇനി ‘അഡ്‌നോക്കിന്’ സ്വന്തം

അബുദാബി - അബുദാബിയിലെ 'അപ്പര്‍ സഖൂം' എണ്ണപ്പാടത്ത് ലോകത്തിലെ ഏറ്റവും നീളമേറിയ എണ്ണ, വാതക കിണര്‍ കുഴിച്ച് ലോക റെക്കോഡിട്ട് അബൂദബി നാഷനല്‍ ഓയില്‍ കമ്പനി ( അഡ്നോക് ). അമ്പതിനായിരം അടിയിലേറെ നീളമാണ് ഏകദേശം (15,240മീറ്റർ) താഴ്ചയാണ് നിലവിൽ കിണറിനുള്ളത്.
Leave a Reply

Your email address will not be published. Required fields are marked *