ലോകകപ്പിനെ വരവേൽക്കാൻ ഖത്തർ അണിഞ്ഞൊരുങ്ങുന്നു.

ദോ​ഹ – 22-മത് ലോ​ക​ക​പ്പി​ലേ​ക്കു​ള്ള കാ​ത്തി​രി​പ്പു ദൂ​രം ദിവസങ്ങൾ എത്തിനിൽക്കുമ്പോൾ വി​ശ്വ​മേ​ള​യെ അ​ല​ങ്കാ​ര​ങ്ങ​ളോ​ടെ വ​ര​വേ​ൽ​ക്കു​വാൻ തയ്യാറാവുകയാണ് ഖത്തർ. രാ​ജ്യ​ത്തെ കെ​ട്ടി​ട​ങ്ങ​ളും പൊ​തു​ഗ​താ​ഗ​ത സം​വി​ധാ​ന​ങ്ങ​ളു​മെ​ല്ലാം ലോ​ക​ക​പ്പി​നെ സ്വീ​ക​രി​ക്കു​ന്ന​തി​ന് ഒ​രു​ങ്ങി​ക്ക​ഴി​ഞ്ഞു. ബ​സു​ക​ളി​ലും മെ​ട്രോ ട്രെ​യി​നു​ക​ളി​ലും സ്​​റ്റേ​ഷ​നു​ക​ളി​ലും ലോ​ക​ക​പ്പി​ലെ പ്ര​ധാ​ന താ​ര​ങ്ങ​ളു​ടെ കൂ​റ്റ​ൻ ചി​ത്ര​ങ്ങ​ളും ലോ​ക​ക​പ്പ് ടീ​മു​ക​ളു​ടെ കൊ​ടി​തോ​ര​ണ​ങ്ങ​ളും സ്​​ഥാ​പി​ച്ചു​ക​ഴി​ഞ്ഞു. ന​ഗ​ര​മ​ധ്യ​ത്തി​ലെ പ്ര​ധാ​ന റോ​ഡി​ൽ കൂ​റ്റ​ൻ പ​ന്തി​ന്‍റെ രൂ​പ​ത്തി​ലും വി​വി​ധ രാ​ജ്യ​ങ്ങ​ളു​ടെ പ​താ​ക​ക​ൾ അ​ല​ങ്ക​രി​ച്ചി​ട്ടു​ണ്ട്. കൂ​ടാ​തെ, സൂ​പ്പ​ർ മാ​ർ​ക്ക​റ്റു​ക​ൾ, ഷോ​പ്പി​ങ് മാ​ളു​ക​ൾ, വാ​ണി​ജ്യ സ​മു​ച്ച​യ​ങ്ങ​ൾ തു​ട​ങ്ങി​യ​വ​യെ​ല്ലാം ക​ളി​ക്കാ​രു​ടെ ചി​ത്ര​ങ്ങ​ളും രാ​ജ്യ​ങ്ങ​ളു​ടെ പ​താ​ക​ക​ളും കെ​ട്ടി​ട​ങ്ങ​ളി​ലും പാ​ർ​ക്കി​ങ് കേ​ന്ദ്ര​ങ്ങ​ളി​ലും പ​തി​ച്ചി​ട്ടു​ണ്ട്.

ദോ​ഹ​യു​ടെ പ്ര​ധാ​ന ഭാ​ഗ​മാ​യ വെ​സ്​​റ്റ്ബേ​യി​ലെ ഉ​യ​ർ​ന്ന കെ​ട്ടി​ട​ങ്ങ​ളി​ലെ താ​ര​ങ്ങ​ളു​ടെ ഭീ​മ​ൻ ചി​ത്ര​ങ്ങ​ൾ ഇ​തി​ന​കം വാ​ർ​ത്താ​പ്രാ​ധാ​ന്യം നേ​ടി​ക്ക​ഴി​ഞ്ഞു. സെ​ന​ഗ​ലി​ന്‍റെ സാ​ദി​യോ മാ​നേ, ഘാ​ന​യു​ടെ ആ​ന്ദ്രേ അ​യേ​വ്, ജ​ർ​മ​നി​യു​ടെ മാ​നു​വ​ൽ നോ​യ​ർ, ഖ​ത്ത​റി​ന്‍റെ ഹ​സ​ൻ അ​ൽ ഹൈ​ദൂ​സ്, ക്രൊ​യേ​ഷ്യ​യു​ടെ ലൂ​ക മോ​ഡ്രി​ച്ച്, ഉ​റു​ഗ്വാ​യി​യു​ടെ ലൂ​യി സു​വാ​റ​സ്, ഇം​ഗ്ല​ണ്ടി​ന്‍റെ ഹാ​രി​കെ​യ്​​ൻ തു​ട​ങ്ങി​യ​വ​രെ​ല്ലാം കെ​ട്ടി​ട​ങ്ങ​ളി​ലി​ടം നേ​ടി​യി​ട്ടു​ണ്ട്. ഒപ്പം കോ​ർ​ണി​ഷ് റോ​ഡി​ലും വെ​സ്​​റ്റ് ബേ​യി​ലെ പ്ര​ധാ​ന റോ​ഡു​ക​ളി​ലും ടീ​മു​ക​ളു​ടെ പ​താ​ക​യോ​ടൊ​പ്പം ലോ​ക​ക​പ്പി​ന്‍റെ ഭാ​ഗ്യ​ചി​ഹ്ന​മാ​യ ല​ഈ​ബി​ന്‍റെ വി​വി​ധ ചി​ത്ര​ങ്ങ​ളും ഇ​ടം​പി​ടി​ച്ചി​ട്ടു​ണ്ട്.

അ​ൽ​ദാ​ന ട​വ​റി​ലെ പ​ന്ത് പി​ടി​ച്ച ഗോ​ൾ​കീ​പ്പ​റു​ടെ കൈ ​ആ​രെ​യും ആ​ക​ർ​ഷി​ക്കു​ന്ന സൃ​ഷ്​​ടി​യാ​ണ്. ലോ​ക​ക​പ്പി​ന്‍റെ ഔ​ദ്യോ​ഗി​ക ചി​ഹ്ന​വും വ​ർ​ണ​ങ്ങ​ളും മു​ദ്രാ​വാ​ക്യ​വു​മാ​യി ന​ട​പ്പാ​ല​ങ്ങ​ൾ അ​ല​ങ്ക​രി​ക്ക​പ്പെ​ട്ടി​ട്ടു​ണ്ട്. എ​ട്ട് ന​ട​പ്പാ​ല​ങ്ങ​ളാ​ണ് ക​ഴി​ഞ്ഞ​യാ​ഴ്ച നി​ർ​മാ​ണം പൂ​ർ​ത്തി​യാ​ക്കി അ​ശ്ഗാ​ൽ പൊ​തു​ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ത്ത​ത്

സ​ൽ​വാ റോ​ഡി​ലെ റ​മ​ദ സി​ഗ്ന​ലി​ൽ നൗ ​ഈസ്‌ ​ ആ​ൾ എ​ന്ന ലോ​ക​ക​പ്പി​ന്‍റെ പ്ര​ധാ​ന മു​ദ്രാ​വാ​ക്യ​വു​മാ​യി കൂ​റ്റ​ൻ ഡി​ജി​റ്റ​ൽ സ്​​ക്രീ​ൻ സ്​​ഥാ​പി​ച്ചി​ട്ടു​ണ്ട്. അ​ൽ സ​ദ്ദ് ഇ​ൻ​റ​ർ​സെ​ക്ഷ​നി​ൽ ഫി​ഫ​യു​ടെ മാ​സ്​​കോ​ട്ടു​ക​ൾ നേ​ര​ത്തേ ത​ന്നെ ഇ​രി​പ്പു​റ​പ്പി​ച്ചി​ട്ടു​ണ്ട്. പ്ര​ധാ​ന ബി​ൽ​ബോ​ർ​ഡി​ൽ ഖ​ത്ത​ർ ലോ​ക​ക​പ്പി​ന്‍റെ താ​ര​മാ​യ ല​ഈ​ബു​മു​ണ്ട്. ദോ​ഹ മെ​ട്രോ​യും ലോ​ക​ക​പ്പി​നെ സ്വീ​ക​രി​ക്കാ​ൻ മു​ൻ​നി​ര​യി​ൽ ത​ന്നെ​യു​ണ്ട്. മെ​ട്രോ സ്​​റ്റേ​ഷ​നു​ക​ളു​ടെ വ​ലി​യ ചു​വ​രു​ക​ൾ, എ​ല​വേ​റ്റ​റു​ക​ൾ, സ്​​റ്റേ​ഷ​നു​ക​ളു​ടെ പു​റം​ഭാ​ഗം എ​ന്നി​വ​യെ​ല്ലാം ലോ​ക​ക​പ്പ് മ​യ​മാ​ണ്. ഈ​യി​ടെ പൊ​തു​ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ത്ത പു​തി​യ ന​ട​പ്പാ​ല​ങ്ങ​ളും ലോ​ക​ക​പ്പി​നെ ഏ​റ്റെ​ടു​ത്തി​ട്ടു​ണ്ട്. ഖ​ത്ത​റി​ൽ എ​ത്തു​ന്ന ഏ​തൊ​രാ​ൾ​ക്കും ലോ​ക​ക​പ്പി​ന്‍റെ ചൂ​ടും ചൂ​രും ഇ​പ്പോ​ൾ ത​ന്നെ അ​നു​ഭ​വി​ച്ച​റി​യാ​ൻ സാ​ധി​ക്കും​വി​ധ​ത്തി​ലാ​ണ് രാ​ജ്യ​ത്തി​ന്‍റെ ത​യാ​റെ​ടു​പ്പു​ക​ൾ.