ഷാർജ – ഷാർജയിലെ ടൂറിസ്റ്റുകളുടെയും സാധാരണക്കാരുടെയും യാത്രസൗകര്യം മെച്ചപ്പെടുത്താൻ ലക്ഷ്യമിട്ട് ഷാർജ റോഡ് ആൻഡ് ട്രാൻസ്പോർട്ട് അതോറിറ്റി (എസ്.ആർ.ടി.എ) നടത്തുന്ന സമഗ്ര വികസന പദ്ധതിയുടെ ഭാഗമായി ഷാർജയിലെ ബസുകളിൽ ഇനിമുതൽ സൗജന്യ വൈഫൈ ഏർപ്പെടുത്തി. ഇതിന്നായി ഉപഭോക്താക്കൾക്ക് യൂസർ നെയിമോ പാസ്വേഡോ ഇ-മെയിലോ മൊബൈൽ നമ്പറോ നൽകാതെ ഈ സംവിധാനം ഉപയോഗിക്കാം. നിലവിൽ ദുബായിൽ നിന്ന് ഷാർജയിലേക്കും അബൂദബിയിലേക്കുമുള്ള ഇന്‍റർസിറ്റി സർവിസുകളിലാണ് സൗജന്യ വൈഫൈ സൗകര്യമുള്ളത്. എന്നാൽ അബൂദബിയിലെ എല്ലാ പ്രധാന ബസ് സ്റ്റേഷനുകളിലും വൈഫൈ ലഭ്യമാക്കിയിരുന്നു. ഇന്‍റർസിറ്റി ബസുകൾ ദിവസവും 15 പ്രധാന റൂട്ടുകളിലാണ് സർവിസ് നടത്തുന്നത്.
ഷാർജയിലെ ബസുകളിൽ ഇനി വൈഫൈ സൗജന്യം
