കു​ട്ടി​ക​ളു​ടെ വാ​യ​നോ​ത്സ​വത്തിൽ പുസ്തകങ്ങൾ വാങ്ങാൻ 25 ല​ക്ഷം ദി​ർ​ഹം അ​നു​വ​ദി​ച്ച്​ ശൈ​ഖ്​ സു​ൽ​ത്താ​ൻ

ഷാ​ർ​ജ – എ​ക്സ്​​പോ സെ​ന്റ​റി​ൽ ആ​രം​ഭി​ച്ച 14മത് ഷാ​ർ​ജ ചി​​ൽ​ഡ്ര​ൻ​സ്​ റീ​ഡി​ങ്​ ഫെ​സ്റ്റി​വ​ലി​ൽ​നി​ന്ന്​ പു​സ്ത​ക​ങ്ങ​ൾ വാ​ങ്ങു​ന്ന​തി​ന് ​25 ല​ക്ഷം ദി​ർ​ഹം വ​ക​യി​രു​ത്തി സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി. എ​മി​റേ​റ്റി​ലെ ലൈ​ബ്ര​റി​ക​ൾ​ക്ക്​ ന​ൽ​കു​ന്ന​തി​നാ​ണ്​ പു​സ്ത​ക​ങ്ങ​ൾ വാ​ങ്ങു​ക. അ​തോ​ടൊ​പ്പം ഫെ​സ്റ്റി​വ​ലി​ന്‍റെ പ​തി​പ്പി​ൽ പ​​ങ്കെ​ടു​ക്കു​ന്ന ലോ​ക​ത്തെ​മ്പാ​ടു​മു​ള്ള പ്ര​സാ​ധ​നാ​ല​യ​ങ്ങ​ൾ​ക്ക്​ കൈ​ത്താ​ങ്ങാ​വുകയുമാണ് ഈ തീരുമാനം. എ​ല്ലാ വ​ർ​ഷ​വും കു​ട്ടി​ക​ളു​ടെ വാ​യ​നോ​ത്സ​വ​ത്തി​ലും അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ലും എ​ത്തി​ച്ചേ​രു​ന്ന പ്ര​സാ​ധ​ക​രി​ൽ​നി​ന്ന്​ പു​സ്ത​ക​ങ്ങ​ൾ വാ​ങ്ങു​ന്ന​തി​ന്​ ഫ​ണ്ട്​ അ​നു​വ​ദി​ക്കാ​റു​ണ്ട്. ഇ​ത്ത​വ​ണ കു​ട്ടി​ക​ളു​ടെ വാ​യ​നോ​ത്സ​വ​ത്തി​ൽ 16 രാ​ജ്യ​ങ്ങ​ളി​ൽ​നി​ന്നു​ള്ള 141 അ​റ​ബ്, അ​ന്ത​ർ​ദേ​ശീ​യ പ്ര​സാ​ധ​ക​ർ ബാ​ല​സാ​ഹി​ത്യ​ത്തി​ലെ ഏ​റ്റ​വും പു​തി​യ കൃ​തി​ക​ൾ പ്ര​ദ​ർ​ശി​പ്പി​ക്കു​ന്നു​ണ്ട്. എക്കാലത്തും വാ​യ​ന​യെ​യും വി​ജ്ഞാ​ന​ത്തെ​യും പ്രോ​ത്സാ​ഹി​പ്പി​ക്കു​ന്ന ഷാ​ർ​ജ​യു​ടെ ന​യ​നി​ല​പാ​ടു​ക​ൾ അ​നു​സ​രി​ച്ചാ​ണ്​ ന​ട​പ​ടി സ്വീ​ക​രി​ച്ച​ത്. പ്ര​മു​ഖ എ​ഴു​ത്തു​കാ​ർ, ക​ലാ​കാ​ര​ന്മാ​ർ, പ്ര​സാ​ധ​ക​ർ, ചി​ത്ര​കാ​ര​ന്മാ​ർ എ​ന്നി​വ​രു​ൾ​പ്പെ​ടെ 66 രാ​ജ്യ​ങ്ങ​ളി​ൽ​നി​ന്നു​ള്ള 457ല​ധി​കം അ​തി​ഥി​ക​ൾ 12 ദി​വ​സ​ത്തെ സാം​സ്കാ​രി​ക ​ഉ​ത്സ​വ​ത്തി​ൽ കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും വേ​ണ്ടി 1,732 വൈ​വി​ധ്യ​മാ​ർ​ന്ന പ​രി​പാ​ടി​ക​ളും ഇത്തവണ 14മത് ഷാ​ർ​ജ ചി​​ൽ​ഡ്ര​ൻ​സ്​ റീ​ഡി​ങ്​ ഫെ​സ്റ്റി​വ​ലി​ൽ​ ഒ​രു​ക്കി​യി​ട്ടു​ണ്ട്.