Breaking NewsBusiness

ഷാര്‍ജയില്‍ ആസ്റ്റര്‍ അത്യാധുനിക മള്‍ട്ടി സ്‌പെഷ്യാലിറ്റി ആശുപത്രി പ്രവർത്തനമാരംഭിച്ചു

ഷാര്‍ജ – ആസ്റ്റര്‍ ഡിഎം ഹെല്‍ത്ത്‌കെയറിന്റെ അത്യാധുനിക സൗകര്യങ്ങളോടെയുള്ള മള്‍ട്ടി സ്‌പെഷ്യാലിറ്റി ആശുപത്രി ഷാര്‍ജയില്‍ പ്രവര്‍ത്തനം ആരംഭിച്ചു. രണ്ടു ലക്ഷം ചതുരശ്ര അടി വിസ്തീര്‍ണമുള്ള ആശുപത്രിയുടെ ഉദ്ഘാടനം ഷാര്‍ജ ഉപഭരണാധികാരിയും, ഷാര്‍ജ എക്‌സിക്യൂട്ടീവ് കൗണ്‍സില്‍ ഡെപ്യൂട്ടി ചെയര്‍മാനുമായ ഹിസ് ഹൈനസ്സ് ഷെയ്ക്ക് സുല്‍ത്താന്‍ ബിന്‍ അഹമ്മദ് അല്‍ ഖാസിമി നിര്‍വ്വഹിച്ചു.

റോബോട്ടിക് സര്‍ജറി തുടങ്ങി അതിസങ്കീര്‍ണവും നൂതനവുമായ ചികിത്സാരീതികള്‍ ജനങ്ങള്‍ക്ക് ലഭ്യമാക്കാനാണ് പുതിയ ആശുപത്രിയിലൂടെ ആസ്റ്റര്‍ പദ്ധതിയിടുന്നത്. നിലവില്‍ ഒബ്‌സ്റ്റട്രിക്‌സ് ആന്‍ഡ് ഗൈനക്കോളജി, ഓര്‍ത്തോപീഡിക്‌സ്, ഗാസ്‌ട്രോഎന്ററോളജി, കാര്‍ഡിയോളജി, ജനറല്‍ സര്‍ജറി, പീഡിയാട്രിക്‌സ് തുടങ്ങി ഇരുപതില്‍ അധികം സേവനങ്ങള്‍ ഷാര്‍ജയില്‍ ലഭ്യമാണ്. വരുംനാളുകളില്‍ കൂടുതല്‍ സൂപ്പര്‍സ്‌പെഷ്യാലിറ്റികള്‍ കൂടെ കൂട്ടിച്ചേര്‍ക്കും.

ഷാര്‍ജയിലെയും മറ്റു വടക്കന്‍ എമറേറ്റ്‌സിലെയും ജനങ്ങള്‍ക്ക് വിദഗ്ദവും മേന്മയുമുള്ള ചികിത്സ താങ്ങാവുന്നതും, അനായാസം പ്രാപ്യവുമായ രീതിയില്‍ ലഭ്യമാക്കുക എന്ന ലക്ഷത്തോടെയാണ് ആശുപത്രി പ്രവര്‍ത്തിക്കുക.

യുഎഇയിലെ അഞ്ചാമത്തെയും ആസ്റ്റര്‍ ഗ്രൂപ്പിനു കീഴിലുള്ള 30-മത്തെ ആശുപത്രിയും ജനങ്ങള്‍ക്ക് വേണ്ടി തുറന്നു കൊടുക്കാന്‍ സാധിച്ചതില്‍ സന്തോഷവും അഭിമാനവുമുണ്ടെന്ന് ആസ്റ്റര്‍ ഡിഎം ഹെല്‍ത്ത്‌കെയര്‍ ചെയര്‍മാനും മാനേജിംഗ് ഡയറക്ടറുമായ ആസാദ് മൂപ്പന്‍ പറഞ്ഞു.

‘അത്യാധുനിക സൗകര്യങ്ങളുള്ള ആശുപത്രിയില്‍ അതിനൂതന ചികിത്സകള്‍ അടക്കം ജനങ്ങള്‍ക്ക് ഒരുക്കി കൊടുക്കും. ഈ പദ്ധതി യാഥാര്‍ഥ്യമാക്കാന്‍ സാഹായിച്ച ഭരണാധികാരികള്‍ക്കും, അധികാരികള്‍ക്കും, ഷാര്‍ജയിലെ ജനങ്ങള്‍ക്കും നന്ദി പറയുന്നതായും,’ അദ്ദേഹം കൂട്ടിച്ചേര്‍ത്തു.

ആസ്റ്ററിന്‍ സേവനങ്ങള്‍ ജനങ്ങളുടെ അടുത്തേക്ക് എത്തിക്കുക എന്ന ശ്രമത്തിലാണ് തങ്ങളെന്ന് ആസ്റ്റര്‍ ഡിഎം ഹെല്‍ത്ത്‌കെയര്‍ ഡെപ്യൂട്ടി മാനേജിംഗ് ഡയറക്ടര്‍ അലീഷ മൂപ്പന്‍ പറഞ്ഞു. ‘ഷാര്‍ജയിലെ ജനങ്ങള്‍ക്ക് ആസ്റ്റര്‍ ആശുപത്രിയിലെ വിദഗ്ദ ചികിത്സ ഉറപ്പാക്കാന്‍ ഇനി ദുബായ് വരെ വരേണ്ടതില്ല. പുതിയ ആശുപത്രിയില്‍ ഏറ്റവും മികച്ച സൗകര്യങ്ങള്‍ ഒരുക്കിയിട്ടുണ്ട്,’ അലീഷ കൂട്ടിച്ചേര്‍ത്തു.

Shares:

Related Posts

Breaking News

ഇന്ത്യൻ രൂപയുടെ മൂല്യം വീണ്ടും കൂപ്പുകുത്തുന്നു; ചരിത്രത്തിലെ ഏറ്റവും കുറഞ്ഞ മൂല്യനിരക്ക്; ദിർഹമിന് 22.60 രൂപ

ദുബായ് - ചരിത്രത്തിലെ ഏറ്റവും കുറഞ്ഞ മൂല്യത്തിലേക്കാണ് ബുധനാഴ്ച ഇന്ത്യൻ രൂപയെത്തിയത്. ഇതോടെ നാട്ടിലേക്ക് പണമയക്കുന്ന പ്രവാസികൾക്ക് ഒരു യു.എ.ഇ ദിർഹമിന് 22 രൂപ 60 പൈസ വരെ ലഭിച്ചു. എമിറേറ്റ്സ് എൻ.ബി.ഡി ബാങ്ക് വഴി പണമയച്ചവർക്ക് 22.44 രൂപ വരെ
Business

തൊഴിലാളികൾക്ക് സൗജന്യ സുരക്ഷിതത്വ പരിശീലന പദ്ധതിയുമായി റിവാഖ് ഔഷ

ദുബായ്: റിവാഖ് ഔഷ എഡ്യുക്കേഷണൽ ഇൻസ്റ്റിറ്റ്യൂട്ട് യു. കെ ആസ്ഥാനമായി പ്രവർത്തിക്കുന്ന നെബോഷിന്‍റെ സഹകരണത്തോടെ യുഎഇയിലെ പതിനായിരം തൊഴിലാളികൾക്ക് സൗജന്യ സുരക്ഷിതത്വ പരിശീലനം നൽകുന്ന പദ്ധതിക്ക് തുടക്കം കുറിച്ചു. ഈ വർഷം 3000 തൊഴിലാളികൾക്ക് പരിശീലനം നൽകും. മൂന്ന് വർഷം കൊണ്ട്
Breaking News

കുട്ടികളുടെ വാക്‌സിനേഷൻ കൃത്യസമയത്ത് പൂർത്തിയാക്കണം; അബൂദബി ശിശുക്ഷേമ സമിതി

കുട്ടികളുടെ ആരോഗ്യം സംരക്ഷിക്കാനും അഞ്ചാംപനി, പോളിയോ, മെനിഞ്ചൈറ്റിസ് തുടങ്ങിയ ഗുരുതര രോഗങ്ങളിൽനിന്ന് പ്രതിരോധം ഉറപ്പാക്കാനും നിർദിഷ്ട വാക്‌സിനേഷൻ പട്ടിക കൃത്യമായി പിന്തുടരണമെന്ന് അബൂദബി ശിശുക്ഷേമ സമിതി. വാക്‌സിനേഷന് മുമ്പും ശേഷവും കുട്ടികൾക്ക് മാനസിക പിന്തുണ നൽകുന്നത് കുത്തിവെപ്പിനോടുള്ള ഭയവും ആശങ്കയും കുറയ്ക്കാൻ
Leave a Reply

Your email address will not be published. Required fields are marked *