BusinessFeatured

നിസ്‌വയുടെ മുഖച്ഛായ മാറുന്നു; 1.5 കോടി റിയാലിലധികത്തിന്റെ വികസന പദ്ധതികൾ

നിസ്‌വ: ഒമാനിലെ സാംസ്കാരിക നഗരമായ നിസ്‌വയുടെ മുഖച്ഛായ മാറ്റാൻ രണ്ട് വൻകിട അടിസ്ഥാന സൗകര്യ വികസന പദ്ധതികൾ പുരോഗമിക്കുന്നു. ദാഖിലിയ ഗവർണറേറ്റിൽ നടപ്പാക്കുന്ന ‘മൈദാൻ അൽ ദാഖിലിയ’ പദ്ധതിയുടെ 71 ശതമാനം ജോലികളും സംയോജിത പൊതുഗതാഗത ടെർമിനലിന്റെ 20 ശതമാനം ജോലികളും പൂർത്തിയായി. രണ്ട് പദ്ധതികൾക്കുമായി 1.5 കോടി ഒമാനി റിയാലിലധികമാണ് നിക്ഷേപം പ്രതീക്ഷിക്കുന്നത്.

എട്ട് ദശലക്ഷത്തി 370,000 റിയാൽ ചെലവിൽ 1,45,000 ചതുരശ്ര മീറ്റർ വിസ്തൃതിയിൽ നിർമിക്കുന്ന മൈദാൻ അൽ ദാഖിലിയ പദ്ധതി 2027 മാർച്ചോടെ പൂർത്തിയാക്കാനാണ് ലക്ഷ്യം. വിനോദസഞ്ചാരം, സംസ്കാരം, ആരോഗ്യം, പരിസ്ഥിതി തുടങ്ങിയ മേഖലകളെ സംയോജിപ്പിച്ചാണ് പദ്ധതി രൂപകൽപന ചെയ്തിരിക്കുന്നത്.

പദ്ധതിയുടെ അടിപ്പാതയുടെ 97.1 ശതമാനം ജോലികളും സർവീസ് ടണലിന്റെ 90 ശതമാനം ജോലികളും പൂർത്തിയായി. നാല് കിലോമീറ്റർ നീളത്തിലുള്ള നടപ്പാതകളും സൈക്കിൾ ട്രാക്കുകളും ഇവിടെ ഒരുക്കുന്നുണ്ട്. പദ്ധതി യാഥാർഥ്യമാകുന്നതോടെ 380 തൊഴിലവസരങ്ങൾ സൃഷ്ടിക്കാനും സ്വദേശി കുടുംബങ്ങളുടെ ഉൽപന്നങ്ങൾ വിൽക്കാൻ പ്രത്യേക വിപണി ഒരുക്കാനും സാധിക്കുമെന്നാണ് പ്രതീക്ഷ.

അതേസമയം, സ്വകാര്യ മേഖലയുമായി സഹകരിച്ച് 70 ലക്ഷം റിയാൽ ചെലവിലാണ് സംയോജിത പൊതുഗതാഗത ടെർമിനൽ നിർമിക്കുന്നത്. നിസ്‌വ കോട്ടയുടെ കവാടത്തിന്റെ മാതൃകയിലുള്ള വാസ്തുവിദ്യയാണ് ടെർമിനലിന്റെ പ്രത്യേകത. ആറ് നിലകളുള്ള രണ്ട് വൃത്താകൃതിയിലുള്ള ബിസിനസ് സെന്ററുകളും അവയെ ബന്ധിപ്പിക്കുന്ന വലിയ വാണിജ്യ മാളും പദ്ധതിയുടെ ഭാഗമായി നിർമിക്കും. കാർഗോ മേഖലയിലെ നിർമാണ ജോലികൾ 82 ശതമാനം പൂർത്തിയായി.

പദ്ധതി പൂർത്തിയാകുന്നതോടെ ഒമാന്റെ ഔദ്യോഗിക ഗതാഗത കമ്പനിയായ മവാസലാത്ത് ടെർമിനലിന്റെ നടത്തിപ്പും ബസ് സർവീസുകളുടെ നിയന്ത്രണവും ഏറ്റെടുക്കും. ഇതോടെ ഒമാനിലെ വിവിധ ഗവർണറേറ്റുകൾ തമ്മിലുള്ള പൊതുഗതാഗത ബന്ധം കൂടുതൽ മെച്ചപ്പെടുമെന്നാണ് അധികൃതരുടെ പ്രതീക്ഷ.

Shares:

Related Posts

Featured

സൗദിയിൽ ലഹരി മരുന്നുമായി ഇന്ത്യക്കാരൻ പിടിയിൽ

റിയാദ്: സൗദി അറേബ്യയിൽ ലഹരി മരുന്നുമായി ഇന്ത്യക്കാരൻ‌ പിടിയിൽ. പ്രതിയുടെ കയ്യിൽ നിന്നും 25 കിലോയോളം ഖാത്ത് കണ്ടെടുത്തു. ജിസാനിൽവെച്ച് സൗദി സുരക്ഷാ സേനയാണ് പ്രതിയെ പിടികൂടിയത്. വിൽപ്പന നടത്തുന്നതിനിടെയാണ് ഇയാളെ പിടികൂടിയതെന്ന് അധികൃതർ അറിയിച്ചു. കൂടുതൽ നിയമ നടപടികൾ പൂർത്തിയാക്കുന്നതിനായി
Featured

ദുബായ്–ഷാർജ പാതയിൽ രാത്രികാല നിയന്ത്രണം; യാത്രക്കാർക്ക് മുന്നറിയിപ്പ്

ദുബായിൽനിന്ന് ഷാർജയിലേക്കുള്ള പ്രധാന റോഡിൽ രാത്രികാല ഗതാഗത നിയന്ത്രണം ഏർപ്പെടുത്തി. ദിവസവും പുലർച്ചെ ഒരു മണി മുതൽ അഞ്ച് മണി വരെയാണ് റോഡിന്റെ ചില ഭാഗങ്ങളിൽ ഗതാഗതം നിരോധിക്കുക. ഇന്നലെ ആരംഭിച്ച നിയന്ത്രണം നവംബർ 15 വരെ തുടരും. ഇത്തിഹാദ് റെയിലിന്റെ
Israel launch major attack on Iran
Bahrain

ഇറാനിൽ ഇസ്രയേൽ ആക്രമണം; 200റിലധികം പേർ കൊല്ലപ്പെട്ടതായി റിപ്പോർട്ട്

ഇറാനിൽ ഇസ്രയേൽ ആക്രമണം. ആക്രമണത്തിൽ 200 ലധികം പേർ കൊല്ലപ്പെട്ടതായി റിപ്പോർട്ട്. ഇറാനിയന്‍ റെഡ് ക്രസന്റ് സൊസൈറ്റി വക്താവിനെ ഉദ്ധരിച്ച് അന്താരാഷ്ട്ര മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. ആക്രമണത്തില്‍ 700റിലധികം പേര്‍ക്ക് പരിക്കേറ്റതായും റിപ്പോര്‍ട്ടുണ്ട്. ആക്രമണം നടന്ന മേഖലകളില്‍ രക്ഷാപ്രവര്‍ത്തനം പുരോഗമിക്കുകയാണ്.
Leave a Reply

Your email address will not be published. Required fields are marked *