ദുബായ്: അപൂർവവും കലാപരവുമായ 800-ലേറെ സ്വർണാഭരണങ്ങൾ അവതരിപ്പിച്ച് തനിഷ്കിന്റെ ത്രിദിന ‘പ്രിവേ’ പ്രദർശനം ദുബായിൽ ആരംഭിച്ചു. ഒക്ടോബർ 23 മുതൽ 25 വരെ ബിസിനസ് ബേയിലെ ജെ.ഡബ്ല്യു മാരിയറ്റ് മാർക്വിസ് ഹോട്ടലിലാണ് പ്രദർശനം നടക്കുന്നത്.
ടാറ്റ ഗ്രൂപ്പിന്റെ ടൈറ്റൻ കമ്പനിയുടെ ആഭരണ ബ്രാൻഡായ തനിഷ്ക് സംഘടിപ്പിക്കുന്ന പ്രദർശനത്തിൽ, വിദഗ്ധരായ ആഭരണനിർമാതാക്കൾ ശിൽപശാലകളിൽ രൂപകൽപന ചെയ്ത് നിർമിച്ച സവിശേഷ സൃഷ്ടികളാണ് അവതരിപ്പിക്കുന്നത്. പ്രമുഖ ഫാഷൻ ഡിസൈനർ രാഹുൽ മിശ്രയും തനിഷ്കും ചേർന്നൊരുക്കിയ ആഭരണശേഖരവും ആദ്യമായി ഗൾഫ് മേഖലയിലെത്തുന്നു.
സങ്കീർണമായ കൊത്തുപണികൾ, രത്നങ്ങളുടെ സൂക്ഷ്മമായ വിന്യാസം, വ്യത്യസ്ത രീതികളിൽ ഉപയോഗിക്കാവുന്ന ആഭരണരൂപങ്ങൾ എന്നിവയാണ് പ്രദർശനത്തിന്റെ പ്രധാന ആകർഷണങ്ങൾ. ഇന്ത്യൻ ആഭരണപാരമ്പര്യവും ആധുനിക രൂപകൽപനയും സമന്വയിപ്പിച്ച സൃഷ്ടികളും ശേഖരത്തിലുണ്ട്.
സ്വർണാഭരണങ്ങൾക്കൊപ്പം വജ്രങ്ങളുടെ ആധികാരികത പരിശോധിക്കുന്ന നടപടിക്രമങ്ങൾ നേരിൽ കാണാനുള്ള അവസരവും സന്ദർശകർക്കായി ഒരുക്കിയിട്ടുണ്ട്. ക്ഷണിക്കപ്പെട്ട അതിഥികൾക്ക് മാത്രമാണ് പ്രദർശനത്തിൽ പ്രവേശനം.
