GulfUAE

പുതിയ വിസാനിയമം പ്രവാസികൾക്ക് കൂടുതൽ പ്രതീക്ഷയേകുന്നു.

ദുബായ് – കഴിഞ്ഞ തിങ്കളാഴ്ച മുതൽ നടപ്പിലാക്കിയ പുതിയ വിസനിയമങ്ങൾ പ്രവാസികൾക്ക് ഏറ്റവും പ്രതീക്ഷ നൽകുന്നതയാണ് പ്രവാസലോകത്തെ പൊതു അഭിപ്രായം. ഇതോടെ സന്ദർശക വിസയിലെത്തി ജോലി അന്വേഷിക്കുന്നത് ഒഴിവാക്കാനും കൂടുതൽ സമയം യു.എ.ഇയിൽ കഴിയാനുമുള്ള അവസരമാണ് ലഭിക്കുന്നത്. അവർക്കുവേണ്ടി പ്രഖ്യാപിക്കപ്പെട്ട പുതിയ വിസയാണ് ‘ജോബ് എക്സ്പ്ലൊറേഷൻ വിസ’. ഈ വിസ ലഭിക്കുന്നതിന് സ്പോൺസറോ ഹോസ്റ്റോ ആവശ്യമില്ല.

ടൂറിസ്റ്റ് വിസ നേരത്തെ 90 ദിവസത്തേക്കാണ് ലഭിച്ചിരുന്നത് എന്നാൽ പുതിയ നിയമപ്രകാരം തൊഴിലന്വേഷിക്കുന്നവരുടെ വിസക്ക് ഇപ്പോൾ 120 ദിവസം വരെ കാലാവധിയുണ്ടാകുമെന്ന് അധികൃതർ വ്യക്തമാക്കിയിട്ടുണ്ട്. രാജ്യത്ത് ലഭ്യമായ ജോലി സാധ്യതകൾ അന്വേഷിക്കുന്നതിന് യുവാക്കളെ പ്രചോദിപ്പിക്കുക എന്നതാണ് ഈ സിംഗിൾ എൻട്രി പെർമിറ്റ് വിസയിലൂടെ ലക്ഷ്യംവെക്കുന്നത് എന്നും അതികൃതർ അറിയിച്ചു.

വിസ ലഭിക്കാനുള്ള യോഗ്യത മാനദണ്ഡനങ്ങൾ മാനവവിഭവ ശേഷി – എമിറേറ്റൈസേഷൻ മന്ത്രാലയം തരംതിരിച്ചാണ് നൽകുക. ഒന്ന്, രണ്ട്, മൂന്ന് സ്കിൽ വിഭാഗങ്ങളിൽപെട്ട, ബിരുദമോ തത്തുല്യ യോഗ്യതയോ ഉള്ളവർക്കാണ് വിസ അനുവദിക്കുക. ഈ വിഭാഗക്കാർക്ക് അറ്റസ്റ്റഡ് സർട്ടിഫിക്കറ്റുകൾ ഉണ്ടായിരിക്കും. മാനേജർ, എൻജിനീയർ, സേഫ്റ്റി ഓഫിസർ, പബ്ലിക്ക് റിലേഷൻസ് ഓഫിസർ, ഡോക്ടർ, ക്വാണ്ടിറ്റി സർവേയർ, റിസർവേഷൻ ഓഫിസർ എന്നിവരാണ് സ്‌കിൽ ലെവൽ-1ൽ ഉൾപ്പെടുന്നത്. സ്കിൽ ലെവൽ-2ൽ മെക്കാനിക്കൽ, ടെക്നിക്കൽ ജോലികളാണ് ഉൾപ്പെടുന്നത്. സ്‌കിൽ ലെവൽ-3ൽ സെയിൽസ് എക്‌സിക്യൂട്ടിവ്, സെയിൽസ് റപ്രസന്‍റേറ്റിവ്, സൈറ്റ് സൂപ്പർവൈസർ, ടിക്കറ്റിങ് ക്ലർക്ക്, കാഷ്യർ, റിസപ്ഷനിസ്റ്റ്, കാഷ് ഡെസ്‌ക് ക്ലർക്ക്, സെയിൽസ് സൂപ്പർവൈസർ, സ്റ്റോർ കീപ്പർ, ടൂറിസ്റ്റ് ഗൈഡ് എന്നീ വിഭാഗങ്ങൾ ഉൾപ്പെടും. ലോകത്തിലെ ഏറ്റവും മികച്ച 500 സർവകലാശാലകളിൽ നിന്നുള്ള പുതിയ ബിരുദധാരികൾക്കും ഈ വിസക്ക് അപേക്ഷിക്കാം.

തൊഴിൽ അന്വേഷണ വിസ ലഭിക്കുന്നതിനുള്ള ഫീസുകൾ 60, 90, 120 ദിവസ കാലാവധികളിൽ ഏത് തിരഞ്ഞെടുക്കുന്നു എന്നതിനനുസരിച്ച് വ്യത്യസ്തമായിരിക്കും. എന്നാൽ 60 ദിവസത്തേക്ക് 1495 ദിർഹവും, 90 ദിവസത്തേക്ക് 1655 ദിർഹവും, 120 ദിവസത്തേക്ക് 1815 ദിർഹവും, എന്നിങ്ങനെയാണ് പുതുക്കിയ ഫീസ് നിരക്കുകൾ. 1,025 ദിർഹം സെക്യൂരിറ്റി ഡെപ്പോസിറ്റും ഇൻഷുറൻസും ഈ ഫീസിൽ ഉൾപ്പെടും.

വിസക്ക് ഫെഡറൽ അതോറിറ്റി ഫോർ ഐഡന്‍റിറ്റി, സിറ്റിസൺഷിപ്, കസ്റ്റംസ് ആൻഡ് പോർട്ട് സെക്യൂരിറ്റി (ഐ.സി.പി) വെബ്‌സൈറ്റിലോ, കസ്റ്റമർ കെയർ സെന്‍ററുകളോ അംഗീകൃത ടൈപ്പിങ് സെന്‍ററുകൾ വഴിയോ ആണ് അപേക്ഷിക്കേണ്ടത്. ഒപ്പം പാസ്‌പോർട്ട് കോപ്പി, കളർ ഫോട്ടോ, സാക്ഷ്യപ്പെടുത്തിയ യോഗ്യത സർട്ടിഫിക്കറ്റുകൾ എന്നി രേഖകളും അപേക്ഷകർ സമർപ്പിക്കണം.

Shares:

Related Posts

Breaking News

കനത്ത മഴ മൂലമുണ്ടായ ഒഴുക്കിൽപ്പെട്ട്​ സൗദി അബഹയിൽ ഒരാൾ മരിച്ചു

അബഹ - സൗദി അറേബ്യയിലെ കനത്ത മഴയെ തുടർന്നുണ്ടായ ഒഴുക്കിൽപ്പെട്ട് അസീർ പ്രവിശ്യയിലെ മജാറദയിൽ ഒരാൾ മരിച്ചു. വാദി ജരിയയിലാണ്​​ സംഭവം. രണ്ട്​ പേരാണ്​ പ്രദേശത്ത്​​ സംഭവസ്ഥലത്തുണ്ടായിരുന്നത് ഇതിലൊരാളാണ്​ മരിച്ചത്​​. വിവരമറിഞ്ഞ്​​ സ്ഥലത്തെത്തിയ സിവിൽ ഡിഫൻസ് സംഘമാണ്​​ രണ്ട്​ പേരെ പുറത്തെടുത്തത്​.
Breaking News

ദുബൈയിൽ 60 പ്രത്യേക നമ്പർ പ്ലേറ്റുകൾ ലേലത്തിന്; ഒക്ടോബർ 24ന്

അബൂദബി: യു.എ.ഇ വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് ആൽ നഹ്‌യാനും സൗദി അറേബ്യൻ പ്രതിരോധ മന്ത്രി പ്രിൻസ് ഖാലിദ് ബിൻ സൽമാൻ ബിൻ അബ്ദുൽ അസീസ് അൽ സൗദും അബൂദബിയിൽ കൂടിക്കാഴ്ച നടത്തി.
Gulf

അടൂർ ഗോപാലകൃഷ്ണൻ നയിക്കുന്ന സാഹിത്യ സാംസ്‌കാരിക സംവാദം

വേൾഡ് മലയാളീ കൗൺസിൽ നേതൃത്വം നൽകുന്ന WMC സർഗ്ഗസംഗമം-2022 ഡിസംബർ 2 നു രാവിലെ 9.30am മുതൽ നടക്കുന്നു. യു എ ഇ ദേശീയ ദിനാഘോഷത്തിന്റെ ഭാഗമായി നടക്കുന്ന ഗാല അവാർഡ് നിശയോടനുബന്ധിച്ചു ദെയ്‌റ ക്രൗൺ പ്ലാസ ഹോട്ടലിൽ "രാഷ്ട്രീയ സാമൂഹിക
Gulf

ആഗോള പ്രസാധക ലോകം ഷാർജയിൽ; അന്താരാഷ്ട്ര പ്രസാധക സമ്മേളനത്തിന് തുടക്കം

ലോകത്തെ പ്രമുഖ പ്രസാധകരും പുസ്തക പ്രസാധന മേഖലയിലെ വിദഗ്ധരും ഒത്തുചേരുന്ന 16-മത് ഷാർജ അന്താരാഷ്ട്ര പ്രസാധക സമ്മേളനത്തിന് തുടക്കമായി. നവംബർ മൂന്ന് വരെ നീളുന്ന സമ്മേളനത്തിൽ പ്രസാധന മേഖലയിലെ പുതിയ സാധ്യതകളും വെല്ലുവിളികളും ഉൾപ്പെടെ 30 വിഷയങ്ങളിൽ ചർച്ചകൾ നടക്കും. ഷാർജ
Leave a Reply

Your email address will not be published. Required fields are marked *