Breaking NewsFeatured

ദുബായ് നിരത്തുകളിലൂടെ ആവേശത്തോടെ ബൈ​ക്കിൽ പാറിപറന്ന് ഇ​ന്ത്യ​ൻ ബൈ​ക്ക്​ റൈ​ഡ​ർ​മാ​ർ

ദുബായ്: യു.എ.ഇ യിലെ വിനോദ സഞ്ചാര കേന്ദ്രങ്ങളിലൂടെ ആയിരത്തിലേറെ കിലോ മീറ്റർ യാത്ര നടത്തി ഇന്ത്യയിൽ നിന്ന് മലയാളികൾ ഉൾപ്പെടെയുള്ള എട്ടംഗ ബൈക്ക് റൈഡർമാരുടെ സംഘം. ഇവരിൽ നാല് പേർ വനിതകളാണ്. കഴിഞ്ഞ മാസം 31 ന് തുടങ്ങിയ ബൈക്ക് ടൂര്‍ ചൊവാഴ്ചയാണ് സമാപിച്ചത്. രാജ്യത്തെ ഏഴ് എമിറേറ്റുകളിലെയും പ്രധാന കേന്ദ്രങ്ങളിലൂടെയും സംഘം സഞ്ചരിച്ചു. മോട്ടോര്‍ സ്‌പോര്‍ട് അത്‌ലറ്റും എറണാകളും സ്വദേശിയുമായ മുഹമ്മദ് ഇര്‍ഫാന്‍, സിംഗിൾ വീല്‍ സൈക്കിള്‍ 5000 കിലോമീറ്റര്‍ ഓടിച്ച് ശ്രദ്ധേയനായ കണ്ണൂർ സ്വദേശി സനീദ്, കന്യാകുമാരി മുതല്‍ കാശ്മീര്‍ വരെ ബൈക്ക് റൈഡ് നടത്തിയ മല്ലു റൈഡര്‍ എന്നറിയപ്പെടുന്ന അശ്വതി ഉണ്ണികൃഷ്ണന്‍, ഭർത്താവ് വരുണ്‍, സോളോ ബൈക്ക് റൈഡിലൂടെ ശ്രദ്ധേയയായ അസം സ്വദേശിനി പ്രിയ ഗൊഗോയി, ഓട്ടോ മൊബൈൽ കണ്ടന്‍റ് ക്രിയേറ്ററായ ജയ്പൂര്‍ സ്വദേശിനി ആശ്ലേഷ എന്നിവരും വൈപര്‍ പൈലറ്റ്, ലൂണ വാനിലെ എന്നീ ഇന്‍സ്റ്റഗ്രാം പേരുകളില്‍ അറിയപ്പെടുന്ന ദമ്പതികളുമാണ് സംഘത്തിൽ ഉണ്ടായിരുന്നത്.

ഇന്ത്യയിലെ റോയല്‍ എന്‍ഫീല്‍ഡിന്‍റെ പാര്‍ട്ണറായ റൈഡ് ഓണിന്‍റെ നേതൃത്വത്തിൽ ടൂര്‍സ് ആന്‍ഡ് ട്രാവല്‍സ് കമ്പനിയായ ഡെസ്റ്റിനാരോയുമായി സഹകരിച്ചാണ് ബൈക്ക് ടൂര്‍ സംഘടിപ്പിച്ചത്. നടിയും മോഡലുമായ സ്‌നേഹ മാത്യുവും സംഘത്തോടൊപ്പം ഉണ്ടായിരുന്നു. അലീന ജോസാണ് യുഎഇയിലെ സഞ്ചാരം ഏകോപിപ്പിച്ചത്. കേരളത്തിൽ ബൈക്ക് റൈഡർമാർക്ക് വേണ്ടത്ര പിന്തുണ ലഭിക്കുന്നില്ലെന്നും യു.എ.ഇ യിലെ യാത്രക്ക് നല്ല പിന്തുണ ലഭിച്ചുവെന്നും സംഘാംഗങ്ങൾ ദുബായിയില്‍ നടത്തിയ വാര്‍ത്താസമ്മേളനത്തില്‍ പറഞ്ഞു.

കേരളത്തിൽ ഈ രംഗത്ത് പ്രവർത്തിക്കുന്നവരെ ക്രിമിനലുകളായാണ് മുൻപ് പൊതുജനം കണ്ടിരുന്നതെന്നും ഇപ്പോൾ അത്തരം മനോഭാവത്തിൽ മാറ്റം വന്നുതുടങ്ങിയിട്ടുണ്ടെന്നും മോട്ടോര്‍ സ്‌പോര്‍ട് അത്‌ലറ്റും എറണാകളും സ്വദേശിയുമായ മുഹമ്മദ് ഇര്‍ഫാന്‍ പറഞ്ഞു. ബൈക്ക് റൈഡിങ്ങ് ഇപ്പോൾ നിരവധി സാധ്യതകളുള്ള ഒരു തൊഴിൽ മേഖലയായി മാറിയെന്നും അദ്ദേഹം പറഞ്ഞു. നാട്ടിലേതിനേക്കാൾ പിന്തുണ പുറമെ നിന്നാണ് ലഭിച്ചിട്ടുള്ളതെന്ന് സിംഗിൾ വീല്‍ സൈക്കിള്‍ 5000 കിലോമീറ്റര്‍ ഓടിച്ച് ശ്രദ്ധേയനായ കണ്ണൂർ സ്വദേശി സനീദ് അഭിപ്രായപ്പെട്ടു. വനിതാ ബൈക്ക് റൈഡർമാർക്ക് കേരളത്തിന് പുറത്തുള്ള സംസ്ഥാനങ്ങളിൽ നിന്ന് മികച്ച പിന്തുണയും സഹായവുമാണ് ലഭിക്കുന്നതെന്ന് അശ്വതി ഉണ്ണികൃഷ്ണൻ വ്യക്തമാക്കി. ശുചി മുറികളുടെ അഭാവമാണ് സ്ത്രീ റൈഡർമാർ നേരിടുന്ന പ്രധാന പ്രശ്നമെന്നും അവർ പറഞ്ഞു. യു.എ.ഇ യിലെ ഗതാഗത നിയമങ്ങളെക്കുറിച്ച് ശരിയായ അവബോധം നൽകിയ ശേഷമാണ് ബൈക്ക് ടൂർ സംഘടിപ്പിച്ചതെന്നും ഇനിയും ഇതുപോലുള്ള സംരംഭങ്ങൾ നടത്തുമെന്നും ടൂർ ഇൻ ചാർജ് അലീന ജോസ് അറിയിച്ചു.

Shares:

Related Posts

Featured

പാസ്പോർട്ട് സേവനങ്ങൾ താത്കാലികമായി നിർത്തിവെക്കുമെന്ന് മസ്ക്കറ്റ് ഇന്ത്യൻ എംബസി

മസ്ക്കത്ത്: വെബ്സൈറ്റ് നവീകരണ പ്രവർത്തനങ്ങളുടെ ഭാ​ഗമായി പാസ്പോർട്ട് സേവനങ്ങൾ താത്കാലികമായി നിർത്തിവെച്ചതായി മസ്ക്കറ്റ് ഇന്ത്യൻ എംബസി. സെപ്റ്റംബർ രണ്ട് വരെയാണ് താത്കാലികമായി നിർത്തിവിച്ചിരിക്കുന്നത്. അതേസമയം ബിൽഎസ് സേവനങ്ങൾക്ക് തടസമുണ്ടാകില്ലെന്ന് മസ്ക്കറ്റ് ഇന്ത്യൻ എംബസി പുറത്തുവിട്ട പ്രസ്താവനയിൽ പറയുന്നു.
Breaking News

മതസഹിഷ്ണുതയുടെ തിടമ്പേറ്റി ദുബൈയിലെ ഏറ്റവും വലിയ ഹിന്ദു ക്ഷേത്രം തുറന്നു.

ദുബായ് - മതസഹിഷ്ണുതയുടെ മകുടോദാഹരണമായ ദുബായിലെ ഏറ്റവും വലിയ ഹിന്ദു ക്ഷേത്രം ആചാരാനുഷ്ഠാനങ്ങളോടെ ജബൽ അലിയിൽ തുറന്നു. യു.​എ.​ഇ സ​ഹി​ഷ്ണു​ത, സഹവർതിത്വ മ​ന്ത്രി ശൈ​ഖ് ന​ഹ്​​യാ​ൻ ബി​ൻ മു​ബാ​റ​ക് ആ​ൽ നഹ്​യാനാണ്​ ഉദ്​ഘാടനം നിർവഹിച്ചത്​. ഇന്ത്യൻ അംബാസഡർ സഞ്ജയ്​ സുധീർ, കമ്യൂനിറ്റി
Breaking News

റമദാനിൽ 2,800ഓളം തടവുകാർക്ക്​ മോചനം നൽകി യു.എ.ഇ

ദുബായ് - പരിശുദ്ധ റമദാന്​ മുന്നോടിയായി യു.എ.ഇയിൽ വിവിധ എമിറേറ്റുകളിലായി 2800ഓളം തടവുകാർക്ക്​ മോചനം നൽകാൻ ഉത്തരവ്​. യു.എ.ഇ പ്രസിഡന്‍റ്​ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ 1025 തടവുകാരെ മോചിപ്പിക്കാൻ നിർദേശം നൽകിയതിന്​ പിന്നാലെ മറ്റ്​ എമിറേറ്റുകളിലും മോചന
Gulf

ഇടിക്കാരൻ ഷുഹൈബ് ദുബായിൽ; തട്ടകത്തിൽ ഇന്ത്യ-പാക്​ പോരാട്ടം.

ദുബായ് - ഒക്ടോബറിൽ 8ന് ദുബൈയിൽ നടക്കുന്ന ബി.കെ.കെ കിക്ക്​ ബോക്സിങ്​ ചാമ്പ്യൻഷിപ്പിൽ പങ്കെടുക്കാനാണ് ഇന്ത്യയെ പ്രതിനിധീകരിച്ച് തൃശൂർ കരൂപ്പടന്ന സ്വദേശിയായ ഷുഹൈബ്​ ദുബായിലെത്തിയത്. ചാമ്പ്യൻഷിപ്പിന്‍റെ ആവേശപ്പോരാട്ടം ശനിയാഴ്ച ദുബായ് ഊദ്​മേത്തയിലെ അൽ നസ്​ർ ക്ലബിലെ റാശിദ്​ ബിൻ ഹംദാൻ ഹാളിൽ
Leave a Reply

Your email address will not be published. Required fields are marked *