ദുബായ്: വിദ്യാർത്ഥികളുടെ യാത്രാസുരക്ഷ ഉറപ്പാക്കുന്നതിനായി ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) കർശനമായ പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചു. റോഡപകടങ്ങൾ ഒഴിവാക്കാനും കുട്ടികളുടെ സുരക്ഷാഉറപ്പാക്കാനും ലക്ഷ്യമിട്ടുള്ള ഈ നിർദ്ദേശങ്ങൾ പ്രകാരം, ഓരോ അധ്യയന വർഷത്തിന് മുൻപും ബസ് റൂട്ട് ട്രയൽ നടത്തുകയും സ്റ്റോപ്പ് ആം ഉൾപ്പെടെയുള്ള സുരക്ഷാ സംവിധാനങ്ങൾ പരിശോധിക്കുകയും വേണം.
കുട്ടികൾ എല്ലാവരും സീറ്റുകളിൽ ഇരുന്നു എന്ന് ഉറപ്പാക്കിയ ശേഷം മാത്രമേ ബസ് എടുക്കാവൂ. ബസ് നിർത്തുമ്പോൾ ഹസാർഡ് ലൈറ്റുകൾ ഓൺ ചെയ്യണമെന്നും കുട്ടികൾ റോഡ് മുറിച്ചുകടക്കുന്നത് വരെ സ്റ്റോപ്പ് ആം തുറന്നുപിടിക്കണമെന്നും അധികൃതർ നിർദ്ദേശിച്ചു. ഡ്രൈവിംഗിനിടെ മൊബൈൽ ഫോണോ ഹെഡ്‌ഫോണോ ഉപയോഗിക്കുന്നത് ഒഴിവാക്കമെന്നും കൂടാതെ സ്കൂൾ മേഖലകളിൽ ഓവർടേക്കിംഗും ലൈൻ മാറ്റവും പാടില്ലഎന്നുമുള്ള ഡ്രൈവിങ് നിബന്ധനകളും പുറപ്പെടുവിച്ചു . അടിയന്തര സാഹചര്യങ്ങളിൽ ട്രാൻസ്‌പോർട്ട് ഓഫീസറെ വിവരം അറിയിക്കണമെന്നും എല്ലാ കുട്ടികളും സുരക്ഷിതമായി ഇറങ്ങിയെന്ന് ഉറപ്പാക്കിയ ശേഷം മാത്രമേ ഡ്രൈവർ പുറത്തിറങ്ങാവൂ എന്നും RTA വ്യക്തമാക്കി. കുട്ടികളുടെ സുരക്ഷ മുൻനിർത്തി ഈ നിയമങ്ങൾ കൃത്യമായി പാലിക്കണമെന്നും അധികൃതർ ഓർമിപ്പിച്ചു.
