EntertainmentGulf

നാര്‍സിസിസ്റ്റ് ‘ മുകുന്ദന്‍ ഉണ്ണി അസോസിയേറ്റ്‌സ് ’11ന് ദുബായ് തിയ്യറ്ററുകളില്‍

ദുബായ് – മലയാള സിനിമയിലെ യുവഗായകനും, അഭിനേതാവും, സംവിധായകനുമായ വിനീത് ശ്രീനിവാസന്‍ മുഖ്യ വേഷത്തിലെത്തുന്ന ‘മുകുന്ദന്‍ ഉണ്ണി അസോസിയേറ്റ്‌സ്’ നവംബര്‍ 11ന് ദുബായ് തിയ്യറ്ററുകളിലെത്തും.തികച്ചും ഡാര്‍ക് കോമഡി വാഗ്ദാനം ചെയ്യുന്ന ഒരു തികഞ്ഞ നാര്‍സിസിസ്റ്റായാണ് താനിതില്‍ അഭിനയിച്ചിരിക്കുന്നതെന്നും, ഇതുവരെ താൻ കൈകാര്യം ചെയ്യാത്ത റോളിലാണ് ഈ ചിത്രത്തിലെ മുകുന്ദന്‍ ഉണ്ണി കഥാപാത്രത്തിനു ജീവൻ നാൽക്കിയിട്ടുള്ളതെന്നും വിനീത് ശ്രീനിവാസന്‍ വാര്‍ത്താ സമ്മേളനത്തില്‍ അറിയിച്ചു.

തന്റെ വിജയത്തിനായി എന്തും ചെയ്യാന്‍ മടിക്കാത്ത ഒരു സോഷ്യോപതിക് അഭിഭാഷകനെയാണ് വിനീതിലൂടെ ഈ സിനിമയില്‍ കാണാനാവുക.
വിജയം മാത്രം ലക്ഷ്യമുള്ള ഒരഭിഭാഷകനാകുന്നതില്‍ മാത്രം ശ്രദ്ധ കേന്ദ്രീകരിച്ച് തന്റെ തൊഴിലില്‍ ഉന്നത സ്ഥാനത്ത് എത്താനുള്ള സ്ഥിരോത്സാഹത്തില്‍ താന്‍ സത്യപ്രതിജ്ഞ ചെയ്ത അവകാശങ്ങളെയും നീതിയെയും സത്യത്തെയും അദ്ദേഹം അവഗണിക്കുന്നു. ചെയ്യാനാഗ്രഹിക്കുന്നതില്‍ വിജയിക്കുക എന്നത് മാത്രം ചിന്തിക്കുന്ന ഈ കഥാപാത്രം, പരാജയത്തെക്കാള്‍ മരണമാണ് ഇഷ്ടപ്പെടുന്നത്.
തന്റെ കേസിനനുകൂലമായി തെളിവുകള്‍ കൃത്രിമമായി സൃഷ്ടിക്കുന്ന ഇയാള്‍, തന്നെ ശല്യപ്പെടുത്തുന്നവരുടെ നാവറുക്കുമെന്ന് ഭീഷണിപ്പെടുത്തുന്നു. പല തലങ്ങളിലേക്ക് വികസിക്കുന്ന ഈ സിനിമ സംവിധാനം ചെയ്തിരിക്കുന്നത് നവാഗത സംവിധായകന്‍ അഭിനവ് സുന്ദര്‍ നായക് ആണ്.

നിര്‍മാണം ഡോ. അജിത് ജോയ്. എഡിറ്റിംഗ് നിധിന്‍ രാജ് അരോള്‍. സംഗീതം സിബി മാത്യു അലക്‌സ്. സുരാജ് വെഞ്ഞാറമൂട്, സുധി കോപ്പ, തന്‍വി റാം, ജഗദീഷ്, മണികണ്ഠന്‍ പട്ടാമ്പി, ബിജു സോപാനം, ജോര്‍ജ് കോര, ആര്‍ഷ ചാന്ദ്‌നി ബൈജു, അല്‍താഫ് സലിം, റിയ സൈറ, രഞ്ജിത് ബാലകൃഷ്ണന്‍ എന്നിവരും ചിത്രത്തിലുണ്ട്. ചിത്രത്തിന്റെ ട്രെയ്‌ലര്‍ ദീപാവലിത്തലേന്ന് പുറത്തിറങ്ങിയിരുന്നു.

ദുബൈയില്‍ നടന്ന വാര്‍ത്താ സമ്മേളനത്തില്‍ വിനീത് ശ്രീനിവാസനൊപ്പം ഡോ. അജിത് ജോയ്, തന്‍വി റാം, ആര്‍ഷ എന്നിവരും സംബന്ധിച്ചു.

Shares:

Related Posts

Featured

ഇന്ന് ദുഃഖവെള്ളി പ്രവാസലോകവും പ്രാർത്ഥനാനിർഭരം

യേശു ക്രിസ്തുവിന്റെ പീഡാനുഭവത്തിന്റെയും കുരിശു മരണത്തിന്റെയും ഓര്‍മ്മ ദിവസം.കാല്‍വരിക്കുന്നില്‍ മൂന്ന് ആണികളാല്‍ തറയ്ക്കപ്പെട്ട് കുരിശില്‍ കിടന്ന് സ്വന്തം ജീവന്‍ ബലി അര്‍പ്പിച്ച ക്രിസ്തുവിന്റെ ഓര്‍മയ്ക്കായാണ് ലോകമെമ്പാടുമുള്ള ക്രൈസ്തവര്‍ ദുഃഖ വെളളി ആചരിക്കുന്നത്. യേശു തന്റെ ശിഷ്യന്മാരോടൊപ്പം അന്ത്യ അത്താഴം കഴിക്കുകയും, അവരുടെ
Featured

ഒമാനിൽ സൈക്ലിങ് മത്സരം; സലാല–തഖ–മിർബാത്ത് റോഡിൽ ഗതാഗത നിയന്ത്രണം

അയേൺമാൻ 70.3 സൈക്ലിങ് മത്സരത്തിന്റെ ഭാഗമായി ദോഫാറിലെ സലാല–തഖ–മിർബാത്ത് റോഡിൽ ഭാഗിക ഗതാഗത നിയന്ത്രണം ഏർപ്പെടുത്തും. 90 കിലോമീറ്റർ ദൈർഘ്യമുള്ള മത്സരം ഹവാന സലാല റിസോർട്ടിന് മുന്നിൽനിന്ന് ആരംഭിച്ച് തഖ, മിർബാത്ത് മേഖലകളിലൂടെ കടന്നുപോകും. ഗതാഗത നിയന്ത്രണം കണക്കിലെടുത്ത് യാത്രകൾ ക്രമീകരിക്കണമെന്നും
Breaking News

ഷാർജയിൽ പൊലീസ്​ ബസ്​ അപകടത്തിൽപെട്ട്​ ഡ്രൈവർ മരിച്ചു.

ഷാർജ - ഷാർജയിൽ പൊലീസ്​ ബസ്​ അപകടത്തിൽപെട്ട്​ ഡ്രൈവർ മരിച്ചു. ശൈഖ്​ മുഹമ്മദ്​ ബിൻ സായിദ്​ റോഡിൽ ലോറിയുമായി കൂട്ടിയിടിച്ചാണ്​ അപകടമുണ്ടായത്. ബസിലുണ്ടായിരുന്ന മറ്റു ആറ്​ പേർക്കും പരിക്കേറ്റിട്ടുണ്ട്. ഇവരുടെ നില ഗുരുതരമല്ല. പൊലീസ്​ വകുപ്പിലെ ജീവനക്കാരാണ്​ പരിക്കേറ്റവർ. ഇവരെ ഷാർജയിലെ
Leave a Reply

Your email address will not be published. Required fields are marked *