BusinessGulf

ഹോട്ട്പാക്ക് നാഷണല്‍ ഇന്‍ഡസ്ട്രീസ് പാര്‍ക്കില്‍ ഏറ്റവും വലിയ മാനുഫാക്ചറിംഗ് പ്‌ളാന്റ് തുറക്കുന്നു

ദുബായ് – ഫുഡ് പാക്കേജിംഗ് ഉല്‍പന്നങ്ങളിലെ ആഗോള ലീഡറായ ഹോട്ട്പാക്ക് ഗ്‌ളോബല്‍ ദുബായ് നാഷണല്‍ ഇന്‍ഡസ്ട്രീസ് പാര്‍ക്കില്‍ (എന്‍ഐപി) ഏറ്റവും വലിയ മാനുഫാക്ചറിംഗ് പ്‌ളാന്റ് ആരംഭിക്കുന്നു. ഇതിലേക്കായി 250 മില്യന്‍ ദിര്‍ഹം നിക്ഷേപിച്ചെന്ന് പ്രഖ്യാപിച്ച കമ്പനി, 2030 ഓടെ ഫുഡ് പാക്കേജിംഗില്‍ ഗ്‌ളോബല്‍ ബ്രാന്റ് ലീഡറാവാനുള്ള ഹോട്ട്പാക്ക് ഗ്‌ളോബലിന്റെ ദര്‍ശനമനുസരിച്ചുള്ള പ്രധാന ചുവടുവെപ്പാണിതെന്നും വ്യക്തമാക്കി.

ഈ മാനുഫാക്ചറിംഗ് പ്‌ളാന്റില്‍ ഹോട്ട്പാക്കിന്റെ ഉയര്‍ന്ന പെര്‍ഫോമന്‍സുള്ളതും സുസ്ഥിരവുമായ പിഇടി (പോളി എഥ്‌ലീന്‍ ട്രെഫ്തലേറ്റ്) പാക്കേജിംഗ് ഉല്‍പനങ്ങളാണ് നിര്‍മിക്കുക. നിര്‍മാണം, ഇകൊമേഴ്‌സ്, ലോജിസ്റ്റിക്‌സ്, വിപണനം തുടങ്ങിയ വിവിധ വിഭാഗങ്ങളുടെ കേന്ദ്രമായി ഇവിടം ഇനി മാറുന്നതാണ്.

”ഏറ്റവും വലുതും സാങ്കേതികമായി അത്യന്താധുനികവുമായ സ്ഥാപനം തുറക്കാനായതില്‍ ഞങ്ങള്‍ സന്തുഷ്ടരാണ്. മലിനീകരണം കുറക്കാനുള്ള പരിസ്ഥിതി സൗഹൃദ ഡിസ്‌പോസബ്ള്‍ സംരംഭങ്ങള്‍ക്ക് നേതൃത്വം നല്‍കുമെന്ന ഞങ്ങളുടെ പ്രതിജ്ഞ പാലിച്ച്, പ്‌ളാന്റ് തീരെ മാലിന്യം ഉല്‍പാദിപ്പിക്കാത്തതും പരിസ്ഥിതി സൗഹൃദപരവുമാണ്. ചാക്രിക വിതരണ ശൃംഖല ഉറപ്പാക്കുന്ന പുറംതള്ളല്‍ പ്രക്രിയയില്‍ 100 ശതമാനം പോസ്റ്റ് കണ്‍സ്യൂമര്‍ റീസൈക്ള്‍ഡ് (പിസിആര്‍) പിഇടി വസ്തുക്കള്‍ ഉപയോഗിക്കാനായാണ് എന്‍ഐപി പ്‌ളാന്റ് സജ്ജീകരിച്ചിരിക്കുന്നത്” ഹോട്ട്പാക്ക് ഗ്‌ളോബല്‍ മാനേജിംഗ് ഡയറക്ടര്‍ അബ്ദുല്‍ ജബ്ബാര്‍ പി.ബി പറഞ്ഞു.

ഹോട്ട്പാക്കിന്റെ വിവിധ വിഭാഗങ്ങളെ ഒരു മേല്‍ക്കൂരയ്ക്ക് കീഴില്‍ കൊണ്ടുവന്ന് കാര്യക്ഷമത വര്‍ധിപ്പിക്കാന്‍ തങ്ങളുടെ പ്രവര്‍ത്തനങ്ങള്‍ പ്രാദേശികവത്കരിക്കുകയാണെന്നും അദ്ദേഹം പറഞ്ഞു. 500,000 ചതുശ്ര അടിയിലുള്ള ഈ സ്ഥാപനം ഉയര്‍ന്ന പെര്‍ഫോമന്‍സും സുസ്ഥിര പിഇടി പാക്കേജിംഗുമുള്ള ഉല്‍പന്നങ്ങളുടെ വണ്‍ സ്‌റ്റോപ് ഷോപ്പാകും. 35,000 പാലറ്റ് സ്‌റ്റോറേജ് സൗകര്യമുള്ള വലിയ വെയര്‍ഹൗസിനൊപ്പം തങ്ങളുടെ കയറ്റുമതി കേന്ദ്രമായും ഇത് പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു.

”യുഎഇയുടെ വിവേകമുള്ള ഭരണ നേതൃത്വത്തിന്റെ വികസന ലക്ഷ്യങ്ങള്‍ക്കനുസൃതമായാണ് നാഷണല്‍ ഇന്‍ഡസ്ട്രീസ് പാര്‍ക് (എന്‍ഐപി) പ്രവര്‍ത്തിച്ചു വരുന്നത്. രാജ്യത്തിന്റെ വ്യാവസായിക മേഖലയില്‍ അതിന്റെ മുന്‍നിര സ്ഥാനത്തിന് ശക്തമായ പിന്തുണയാവാന്‍ എന്‍ഐപിയിലെ ഹോട്ട്പാക്കിന്റെ മാനുഫാക്ചറിംഗ് പ്‌ളാന്റ് ഗണ്യമായ സംഭാവന നല്‍കുമെന്ന് ഞങ്ങള്‍ പ്രതീക്ഷിക്കുന്നു. ആഭ്യന്തര ഉല്‍പന്നങ്ങളെ പിന്തുണക്കാനും പ്രോത്സാഹിപ്പിക്കാനുമായി ഒരു വ്യാവസായിക ഐഡന്റിറ്റി സൃഷ്ടിച്ച് അടുത്ത കുറച്ചു വര്‍ഷങ്ങളില്‍ സമ്പദ് വ്യവസ്ഥയിലേക്ക് ഉല്‍പാദന മേഖലയുടെ സംഭാവന ഉയര്‍ത്തുകയെന്ന ദേശീയ വ്യാവസായിക തന്ത്രം ലക്ഷ്യമിടുന്നതിനാല്‍, വ്യവസായ മേഖല എന്‍ഐപിക്ക് മാത്രമല്ല, ആഗോള തലത്തില്‍ യുഎഇക്കും ഏറെ പ്രധാനപ്പെട്ട ഒരു താങ്ങായി മാറും” -നാഷണല്‍ ഇന്‍ഡസ്ട്രീസ് പാര്‍ക് തലവന്‍ അബ്ദുല്ല അല്‍ ജസ്മി അഭിപ്രായപ്പെട്ടു.

ഹോട്ട്പാക്ക് പ്‌ളാന്റിലെ പ്രവര്‍ത്തനങ്ങള്‍ക്ക് പ്രേരകമായ സാങ്കേതിക പുരോഗതിയെ കുറിച്ച് വിശദീകരിക്കവേ, ഹോട്ട്പാക്ക് എന്‍ഐപി പ്‌ളാന്റ് ഒരു സാങ്കേതിക വിസ്മയമാണെന്നും, അത് അത്യാധുനിക എക്‌സ്ട്രൂഷന്‍, തെര്‍മോഫോമിംഗ്, പ്രിന്റിംഗ് മെഷീനുകള്‍ എന്നിവ പ്രദാനം ചെയ്യുന്ന ലോകത്തിലെ മുന്‍നിര എക്യുപ്‌ന്റെ് ദാതാക്കളാണെന്നും ഹോട്ട്പാക്ക് ഗ്‌ളോബല്‍ ഗ്രൂപ് എക്‌സിക്യൂട്ടീവ് ഡയറക്ടര്‍ സൈനുദ്ദീന്‍ പി.ബി പറഞ്ഞു.
”റോബോട്ടിക് പാക്കേജിംഗ് സംവിധാനങ്ങള്‍, ഓട്ടോമാറ്റിക് റോള്‍ ഹാന്‍ഡ്‌ലിംഗ് സിസ്റ്റംസ്, വെണ്ടര്‍ ന്യൂട്രല്‍ ആര്‍കൈവ്‌സ് എന്നിവയെ സംയോജിപ്പിച്ചു കൊണ്ട് വെയര്‍ഹൗസ് വസ്തുക്കള്‍ കൈകാര്യം ചെയ്യാനായി പ്രക്രിയകളുടെ സമ്പൂര്‍ണ ഓട്ടോമേഷന്‍ ഈ പ്‌ളാന്റ് വിജയകരമായി കൈവരിച്ചിരിക്കുന്നു” -അദ്ദേഹം വിശദീകരിച്ചു.

വിപണിയില്‍ ലഭ്യമായ പരമ്പരാഗത ഫുഡ് പാക്കേജിംഗ് ഫോര്‍മുലകളെ അപേക്ഷിച്ച് ആഗോള ഉപയോക്താക്കള്‍ക്ക് സുസ്ഥിര സൊല്യൂഷനുകള്‍ എത്തിക്കാന്‍ പുതിയ എന്‍ഐപി പ്‌ളാന്റ് തങ്ങളെ പ്രാപ്തരാക്കുമെന്ന് ഹോട്ട്പാക്ക് ഗ്‌ളോബല്‍ ഗ്രൂപ് ടെക്‌നികല്‍ ഡയറക്ടര്‍ അന്‍വര്‍ പി.ബി അഭിപ്രായപ്പെട്ടു. 100 ഡിഗ്രി താപനില പ്രതിരോധിക്കാന്‍ ശേഷിയുള്ള തെര്‍മല്‍ റെസിസ്റ്റന്റ് പിഇടി കപ്പുകള്‍ -കംപ്രസ്ഡ് പിഇടി ലൈറ്റ് -പുറത്തിറക്കാന്‍ ഹോട്ട്പാക്ക് സജ്ജമാണ്. ഹോട്ട്പാക്ക് റിസര്‍ച്ച് ആന്‍ഡ് ഡെവലപ്‌മെന്റ് (ആര്‍ ആന്റ് ഡി) ടീം തുടര്‍ച്ചയായി പുതിയ പ്രൊജക്ടുകള്‍ക്കായി ഉറ്റു നോക്കുന്നു. ആഗോള തലത്തില്‍ വികസിച്ചു കൊണ്ടിരിക്കുന്ന ഏറ്റവും പുതിയ സാങ്കേതിക വിദ്യകളും സംഭവ വികാസങ്ങളും സംയോജിപ്പിക്കുന്നതിന് പങ്കാളികളുമായി ചേര്‍ന്ന് പ്രവര്‍ത്തിക്കുന്നു. ആഗോള തലത്തില്‍ പ്രകടമാകുന്ന ഏറ്റവും പുതിയ സാങ്കേതിക വിദ്യകളും സംഭവ വികാസങ്ങളും സംയോജിപ്പിക്കാന്‍ ഓഹരി ഉടമകളുമായി ചേര്‍ന്ന് പ്രവര്‍ത്തിക്കുന്നുവെന്നും അദ്ദേഹം പറഞ്ഞു.
സാമ്പത്തിക വിനോദ സഞ്ചാര വകുപ്പിന്റെ (ഡിഇടി) വ്യാപാര പ്രോല്‍സാഹന സ്ഥാപനമായ ദുബായ് ഇന്‍ഡസ്ട്രീസ് ആന്റ് എക്‌സ്‌പോര്‍ട്‌സ് ഈയിടെ അംഗീകരിച്ച സ്ഥാപനമാണ് ഹോട്ട്പാക്ക് ഗ്‌ളോബല്‍. എന്‍ഐപി സൗകര്യം ഹോട്ട്പാക്കിന്റെ ലോജിസ്റ്റിക്‌സ് ശേഷി കൂടുതല്‍ വര്‍ധിപ്പിക്കുകയും അതിന്റെ കയറ്റുമതി വളര്‍ച്ചാ തന്ത്രത്തിന് വലിയ ഉത്തേജനം പകരുകയും ചെയ്യും.

കമ്പനിയുടെ പുതിയ ആഗോള കാഴ്ചപ്പാടിലെ ഏറ്റവും പുതിയ നീക്കമാണിത്. ഏറ്റവുമൊടുവില്‍ കടലാസുല്‍പന്നങ്ങള്‍ നിര്‍മിക്കാനായി ഖത്തറിലെ ദോഹയില്‍ ഒരു മാനുഫാക്ചറിംഗ് പ്‌ളാന്റ് തുറന്നിട്ടുണ്ട്. ഇതു കൂടാതെ, എല്ലാ ജിസിസി രാജ്യങ്ങളിലേക്കും കമ്പനി ഇകൊമേഴ്‌സ് സ്‌റ്റോറുകള്‍ വ്യാപിപ്പിച്ചിട്ടുണ്ട്. മിഡില്‍ ഈസ്റ്റിലെ ശക്തമായ പ്രവര്‍ത്തന തന്ത്രത്തിന്റെ ഭാഗമായി ഒമാന്‍, സൗദി അറേബ്യ, ബഹ്‌റൈന്‍ എന്നീ രാജ്യങ്ങളില്‍ അനേകം സെയില്‍സ് സെന്ററുകളും ആരംഭിച്ചിട്ടുണ്ട്. സപ്‌ളൈ ചെയിന്‍ ഒപ്റ്റിമൈസേഷനില്‍ ശ്രദ്ധ നല്‍കി മിഡില്‍ ഈസ്റ്റില്‍ കൂടുതല്‍ വികസനം തുടരും.

ഹോട്ട്‌ പാക്കിന്റെ പുതിയ മാനുഫാക്ചറിംഗ് പ്‌ളാന്റുകള്‍ സൗദി (പേപ്പര്‍ ഡിവിഷന്‍), ഇന്ത്യ (ഗുജറാത്ത്), സെര്‍ബിയ (ബയോഡീഗ്രേഡബ്ള്‍), മലേഷ്യ എന്നിവിടങ്ങളില്‍ മൂന്നു മാസങ്ങള്‍ക്കകം പ്രവര്‍ത്തനമാരംഭിക്കും.

മിഡില്‍ ഈസ്റ്റിലെ ഏറ്റവും വലിയ ഫുഡ് പാക്കേജിംഗ് ഉല്‍പന്ന നിര്‍മാതാക്കളാണ് ഹോട്ട്പാക്ക് ഗ്‌ളോബല്‍. 3,500ത്തിലധികം ഉല്‍പന്നങ്ങള്‍ അതിന്റെ പോര്‍ട്ട്‌ഫോളിയോയിലുണ്ട്. ഈ വര്‍ഷം കമ്പനിയുടെ 27മത് വാര്‍ഷികമാണ്. ഹോട്ട്പാക്ക് ഉല്‍പന്നങ്ങള്‍ ലോകമെമ്പാടുമുള്ള 100ലധികം രാജ്യങ്ങളിലേക്ക് കയറ്റുമതി ചെയ്യുന്നു. കൂടാതെ, 14 രാജ്യങ്ങളില്‍ നേരിട്ട് പ്രവര്‍ത്തിക്കുകയും 3,300 ജീവനക്കാരുമായി 25,000 അന്താരാഷ്ട്ര, പ്രാദേശിക ബ്രാന്‍ഡുകള്‍ക്ക് സേവനം നല്‍കുകയും ചെയ്യുന്നു.

Shares:

Related Posts

Breaking News

വി​സ്താ​ര എ​യ​ർ​ലൈ​ൻ​സ്​ ഒ​മാ​നി​ലേ​ക്ക്​ സ​ർ​വി​സ്​ ആ​രം​ഭി​ച്ചു: മ​സ്ക​ത്ത്​-​മും​ബൈ റൂ​ട്ടി​ലാ​ണ്​ ആ​ദ്യ സ​ർ​വി​സ്

ഒമാൻ - ടാ​റ്റ ഗ്രൂ​പ്പി​ന്‍റെ​യും സിം​ഗ​പ്പൂ​ർ എ​യ​ർ​ലൈ​ൻ​സി​ന്‍റെ​യും സം​യു​ക്ത സം​രം​ഭ​മാ​യ വി​സ്താ​ര എ​യ​ർ​ലൈ​ൻ​സ്​ ഒ​മാ​നി​ലേ​ക്ക്​ സ​ർ​വി​സ്​ ആ​രം​ഭി​ച്ചു. മ​സ്ക​ത്ത്​-​മും​ബൈ റൂ​ട്ടി​ലാ​ണ്​ ആ​ദ്യ സ​ർ​വി​സ്. ഇപ്രകാരം ആ​ഴ്ച​യി​ൽ ഏ​ഴു​വീ​തം വി​സ്താ​ര എ​യ​ർ​ലൈ​ൻ​സി​ന്​ സ​ർ​വി​സു​ക​ൾ ന​ട​ത്തു​ന്ന​തി​ന്​ സി​വി​ൽ ഏ​വി​യേ​ഷ​ൻ അ​തോ​റി​റ്റി അ​നു​മ​തി ന​ൽ​കി​യി​രു​ന്നു. എ​ല്ലാ
Entertainment

യുനെസ്‌കോ ഗ്ലോബല്‍ നെറ്റ്‌വർക്ക് ഓഫ് ലേണിങ് സിറ്റികളില്‍ ഇടംപിടിച്ച് ഷാര്‍ജയും റാസല്‍ഖൈമയും.

ഷാർജ - ലോകത്തിലെ 76 രാഷ്ട്രങ്ങളില്‍ നിന്ന് 294 നഗരങ്ങളാണ് ജി.എന്‍.എല്‍.സി പട്ടികയിലുള്ളത്. സാംസ്‌കാരികമായി ഔന്നത്യം പുലര്‍ത്തുന്ന സാമ്പത്തിക രംഗത്ത് ഊര്‍ജസ്വലമായ നഗരമാണ്  ഷാര്‍ജയെന്ന് യുനെസ്‌കോ (യുണൈറ്റഡ് നേഷന്‍സ് എജുക്കേഷനല്‍ സയന്റിഫിക് ആന്റ് കള്‍ച്ചറല്‍ ഓര്‍ഗനൈസേഷന്‍) വിലയിരുത്തി. സുസ്ഥിര വികസനത്തിനും സാമ്പത്തിക
Breaking News

ഷാ​ർ​ജ സ​മ്പ​ദ്​​വ്യ​വ​സ്ഥ വ​ള​ർ​ച്ച​യു​ടെ പാ​ത​യി​ൽ

ഷാ​ർ​ജ - ക​ഴി​ഞ്ഞ വ​ർ​ഷം വ​ള​രെ ശ്ര​ദ്ധേ​യ​മാ​യ സാ​മ്പ​ത്തി​ക വ​ള​ർ​ച്ച നേ​ടാ​ൻ ഷാ​ർ​ജ എ​മി​റേ​റ്റി​ന്​ സാ​ധി​ച്ച​താ​യി സ്റ്റാ​റ്റി​സ്റ്റി​ക്സ്, ക​മ്യൂ​ണി​റ്റി വി​ക​സ​ന വ​കു​പ്പ്. 2021ൽ 130.1​ശ​ത​കോ​ടി ദി​ർ​ഹ​മാ​യി​രു​ന്ന​ത്​​ 136.9 ശ​ത​കോ​ടി ദി​ർ​ഹ​മി​ലാ​ണ്​ എ​ത്തി​യ​ത്. വി​ക​സ​ന പ​ദ്ധ​തി​ക​ൾ ആ​സൂ​ത്രി​ത​മാ​യി ന​ട​പ്പാ​ക്കി​യ​തി​ന്‍റെ​യും സ​മ്പ​ദ്​​രം​ഗം വൈ​വി​ധ്യ​വ​ത്ക​രി​ച്ച​തി​ന്‍റെ​യും ഫ​ല​മാ​യാ​ണ്​
Business

ദി ബ്ലൂമിങ്ടൺ അക്കാദമിയുടെ പത്താം വാർഷികം; മുഖ്യാതിഥിയായി യു.എ.ഇയിലെ ബ്രിട്ടീഷ് സ്ഥാനപതി

അജ്മാൻ: അജ്മാനിലെ ബ്രിട്ടീഷ് വിദ്യാലയമായ ‘ദി ബ്ലൂമിങ്ടൺ അക്കാദമി’ പത്താം വാർഷികം ആഘോഷിച്ചു. യുഎഇയിലെ ബ്രിട്ടീഷ് സ്ഥാനപതി എഡ്വേർഡ് ഹോബർട്ട് മുഖ്യാതിഥിയായി പങ്കെടുത്തു. അംബാസഡറും നോർത്ത് പോയന്‍റ് എഡുക്കേഷൻ ചെയർമാൻ ലാൻസൺ ലാസറും ചേർന്ന് ശിലാഫലകം അനാച്ഛാദനം ചെയ്യുകയും വൃക്ഷത്തൈ നടുകയും
Leave a Reply

Your email address will not be published. Required fields are marked *