Breaking NewsFeatured

അനിൽ ആന്റണി ബി.ജെ.പി യിൽ കേന്ദ്ര മന്ത്രി പിയൂഷ് ഗോയലിൽ നിന്ന് പാർട്ടി അംഗത്വം സ്വീകരിച്ചു

ന്യൂഡൽഹി – ബി.ബി.സി ഡോക്യുമെന്ററിയോടെ പുകഞ്ഞിരുന്ന എ.കെ. ആന്റണിയുടെ മകൻ അനിൽ ആന്റണിയുടെ പ്രശ്നങ്ങൾക്കൊടുവിൽ തിരിച്ചടികളും പ്രതിസന്ധികളും മറികടക്കാൻ കിണഞ്ഞു ശ്രമിക്കുന്ന കോൺഗ്രസിന് കനത്ത പ്രഹരമേൽപ്പിച്ച് കോൺഗ്രസ്സിലെതന്നെ മുതിർന്ന നേതാവ് എ.കെ. ആന്റണിയുടെ മകൻ അനിൽ ആന്റണി ബി.ജെ.പിയിൽ ചേർന്നു. ബി.ജെ.പിയുടെ 44മതു സ്ഥാപക ദിനത്തിൽ അനിലിന്റെ രംഗ പ്രവേശം, ബി.ജെ.പി ദേശീയ ആസ്ഥാനത്ത് കേന്ദ്ര വിദേശകാര്യ സഹമന്ത്രി വി. മുരളീധരന്റെയും സംസ്ഥാന അദ്ധ്യക്ഷൻ കെ. സുരേന്ദ്രന്റെയും സാന്നിദ്ധ്യത്തിൽ കേന്ദ്ര മന്ത്രി പിയൂഷ് ഗോയലിൽ നിന്ന് പാർട്ടി അംഗത്വം സ്വീകരിച്ചശേഷം ദേശീയ അദ്ധ്യക്ഷൻ ജെ.പി. നദ്ദയുമായി കൂടിക്കാഴ്ച നടത്തി.

വേദ ഗ്രന്ധമായ മനുസ്‌മൃതിയിലെ ‘ധർമ്മോ രക്ഷതി രക്ഷിതാഹാ” (ധർമ്മത്തെ സംരക്ഷിക്കുന്നവനെ അതു രക്ഷിക്കും) എന്ന സംസ്‌കൃത വാചകം ഉദ്ധരിച്ചായിരുന്നു ബി.ജെ.പിയിൽ ചേർന്നതിനെ ന്യായീകരിച്ചുള്ള അനിലിന്റെ ആദ്യ വാചകം. ഇക്കഴിഞ്ഞ ജനുവരിയിൽ കോൺഗ്രസിലെ ഔദ്യോഗിക പദവികൾ ഒഴിഞ്ഞ അനിൽ ഇന്നലെ പ്രാഥമികാംഗത്വവും രാജിവച്ചു. ഒരു കുടുംബത്തെ മാത്രം സേവിക്കുന്ന കോൺഗ്രസിൽ ധർമ്മം തുടരാൻ ആഗ്രഹിക്കുന്നില്ലെന്ന്, ഗാന്ധി കുടുംബത്തെ പരോക്ഷമായി ആക്രമിച്ച് അനിൽ വാർത്താലേഖകരോട് പറഞ്ഞു. പ്രധാനമന്ത്രി നരേന്ദ്ര മോദിയുടെ വികസന നയങ്ങളെ പിന്തുണച്ച് രാജ്യത്തിനായി പ്രവർത്തിക്കുമെന്നും തീരുമാനം വ്യക്തിപരമാണെന്നും അനിൽ പറഞ്ഞു.

കോൺഗ്രസിനെ ഞാൻ വഞ്ചിച്ചിട്ടില്ല. കോൺഗ്രസുകാരാണ് രാഷ്ട്രത്തെ വഞ്ചിക്കുന്നത്. എല്ലാ പാർട്ടിക്കാരും ബഹുമാനിക്കുന്ന വ്യക്തിയാണ് എ.കെ. ആന്റണി. അതിനാൽ എന്റെ തീരുമാനം അദ്ദേഹത്തിന്റെ യശസിനെ ബാധിക്കില്ല. ഞാൻ ഏറ്റവും ബഹുമാനിക്കുന്ന വ്യക്തിയാണ് എ.കെ. ആന്റണി. ഒരു കുടുംബത്തെ രക്ഷിക്കലാണ് ധർമ്മമെന്ന് കോൺഗ്രസുകാർ വിശ്വസിക്കുന്നു. എന്നാൽ തന്റെ ധർമ്മം രാജ്യത്തെ സേവിക്കലാണ്. പ്രധാനമന്ത്രി നരേന്ദ്രമോദിയുടെ വീക്ഷണം നിറവേറ്റാൻ പ്രവർത്തിക്കും എന്നും അനിൽ കൂട്ടീച്ചർത്തു.

ബി.ബി.സി ഡോക്യുമെന്ററിയോടെ മോദിക്കെതിരായ ബി.ബി.സി ഡോക്യുമെന്ററിയെ കോൺഗ്രസ് അനുകൂലിച്ചതിനെ അനിൽ തള്ളിപ്പറഞ്ഞത് വിവാദമായിരുന്നു. പിന്നാലെയാണ് കെ.പി.സി.സി ഡിജിറ്റിൽ മീഡിയ കൺവീനർ, എ.ഐ.സി.സി സോഷ്യൽ മീഡിയ നാഷണൽ കോ-ഓർഡിനേറ്റർ പദവികൾ രാജിവച്ചത്. അന്നുമുതൽ ബി.ജെ.പി കേന്ദ്ര നേതൃത്വം ചർച്ച തുടങ്ങിയെങ്കിലും, കോൺഗ്രസ് നേതൃത്വവുമായി ഇടഞ്ഞു നിൽക്കുന്ന ശശി തരൂർ പക്ഷവുമായി അടുത്ത ബന്ധമുള്ള അനിലിന് രണ്ടു മനസായിരുന്നു. പ്രധാനമന്ത്രി നരേന്ദ്രമോദിയും കേന്ദ്ര ആഭ്യന്തര മന്ത്രി അമിത് ഷായും ബി.ജെ.പി അദ്ധ്യക്ഷൻ ജെ.പി. നദ്ദയും നേരിട്ട് നടത്തിയ ചർച്ചകൾക്കൊടുവിൽ അനിൽ വഴങ്ങി. വി. മുരളീധരനും കെ. സുരേന്ദ്രനും ചർച്ചകളുടെ ഭാഗമായി.

തന്റെ മകൻ അനിൽ കെ. ആന്റണി ബി.ജെ.പിയിൽ ചേരാനുള്ള തെറ്റായ തീരുമാനം തനിക്കു വേദനയുണ്ടാക്കിയെന്നും. അവസാനശ്വാസം വരെ താൻ ബി.ജെ.പിയുടെയും ആർ.എസ്.എസിന്റെയും തെറ്റായ നിലപാടിനെതിരെ ശബ്ദമുയർത്തും എന്നും. ഭരണഘടനയുടെ അടിസ്ഥാനമൂല്യങ്ങൾ സംരക്ഷിക്കാൻ നെഹ്റു കുടുംബത്തോടൊപ്പമാണ് ഞാനെല്ലാക്കാലത്തും. എത്രകാലം ജീവിച്ചാലും മരിക്കുന്നത് ഇന്ത്യൻ നാഷണൽ കോൺഗ്രസുകാരനായിട്ടായിരിക്കും എന്നും എ.കെ. ആന്റണി വികാരാധീനനായികൊണ്ടു മാധ്യമങ്ങളോട് പറഞ്ഞു.

Shares:

Related Posts

Breaking News

നബി ദിനം; ഷാർ‌ജയിലും അബുദാബിയിലും സൗജന്യ പാർക്കിങ്.

പ്രവാചകൻ മുഹമ്മദ് നബിയുടെ ജന്മദിനം പ്രമാണിച്ച് അബുദാബിയിലും, ഷാർജയിലും പാർക്കിങ് സൗജന്യം. അബുദാബിയിൽ ശനിയാഴ്ച (8) മുതൽ തിങ്കളാഴ്ച രാവിലെ 7.59 വരെ പൊതു പാർക്കിങ് സൗജന്യമായിരിക്കുമെന്ന് ഇന്റഗ്രേറ്റഡ് ട്രാൻസ്‌പോർട്ട് സെന്റർ (ഐടിസി) അറിയിച്ചു. കൂടാതെ അബുദാബിയിലെ ടോളുകളും ഈ ദിവസങ്ങളിൽ
Breaking News

യു. എ. ഇ പൊതുമാപ്പ് സെപ്റ്റംബർ ഒന്നിന് ആരംഭിക്കുന്നു: ഒരുക്കങ്ങൾ പൂർത്തിയായതായി ജി ഡി ആർ എഫ് എ

ദുബായ് : യു. എ. ഇ താമസക്കുടിയേറ്റ നിയമം ലംഘിച്ച വ്യക്തികൾക്കായി നടപ്പിലാകുന്ന ഗ്രേസ് പിരീഡ് സംരംഭം( പൊതുമാപ്പ്) നടപ്പിലാക്കാൻ തങ്ങൾ പൂർണ്ണസജ്ജമായിയെന്ന് ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് അറിയിച്ചു. സെപ്റ്റംബർ ഒന്നിന് ആരംഭിക്കുന്ന പദ്ധതിയുടെ
Breaking News

കുട്ടികളുടെ വാക്‌സിനേഷൻ കൃത്യസമയത്ത് പൂർത്തിയാക്കണം; അബൂദബി ശിശുക്ഷേമ സമിതി

കുട്ടികളുടെ ആരോഗ്യം സംരക്ഷിക്കാനും അഞ്ചാംപനി, പോളിയോ, മെനിഞ്ചൈറ്റിസ് തുടങ്ങിയ ഗുരുതര രോഗങ്ങളിൽനിന്ന് പ്രതിരോധം ഉറപ്പാക്കാനും നിർദിഷ്ട വാക്‌സിനേഷൻ പട്ടിക കൃത്യമായി പിന്തുടരണമെന്ന് അബൂദബി ശിശുക്ഷേമ സമിതി. വാക്‌സിനേഷന് മുമ്പും ശേഷവും കുട്ടികൾക്ക് മാനസിക പിന്തുണ നൽകുന്നത് കുത്തിവെപ്പിനോടുള്ള ഭയവും ആശങ്കയും കുറയ്ക്കാൻ
Business

സാധാരണക്കാർക്കും സ്വർണം ലീസ് ചെയ്യാനുള്ള സംവിധാനവുമായി ആദ്യ എമിറാത്തി ആപ്പ് ‘ഒ ഗോൾഡ്’

ദുബായ്: യു.എ.ഇയിൽ സാധാരണക്കാർക്ക് സ്വർണം ലീസ് ചെയ്യാൻ ഈ മേഖലയിലെ ആദ്യ എമിറാത്തി ആപ്പായ 'ഒ ഗോൾഡ്' സൗകര്യമൊരുക്കുന്നു. സ്വർണത്തിന്‍റെയും വെള്ളിയുടെയും ഡിജിറ്റൽ ഉടമസ്ഥതക്കായുള്ള യു.എ.ഇ ആസ്ഥാനമായി പ്രവർത്തിക്കുന്ന 'ഒ ഗോൾഡ് ' ആപ്പും ഡി.എം.സി.സി ആസ്ഥാനമായ മോണിറ്ററി മെറ്റൽസും സഹകരിച്ചാണ്
Leave a Reply

Your email address will not be published. Required fields are marked *