BusinessFeatured

സാധാരണക്കാർക്കും സ്വർണം ലീസ് ചെയ്യാനുള്ള സംവിധാനവുമായി ആദ്യ എമിറാത്തി ആപ്പ് ‘ഒ ഗോൾഡ്’

ദുബായ്: യു.എ.ഇയിൽ സാധാരണക്കാർക്ക് സ്വർണം ലീസ് ചെയ്യാൻ ഈ മേഖലയിലെ ആദ്യ എമിറാത്തി ആപ്പായ ‘ഒ ഗോൾഡ്’ സൗകര്യമൊരുക്കുന്നു. സ്വർണത്തിന്‍റെയും വെള്ളിയുടെയും ഡിജിറ്റൽ ഉടമസ്ഥതക്കായുള്ള യു.എ.ഇ ആസ്ഥാനമായി പ്രവർത്തിക്കുന്ന ‘ഒ ഗോൾഡ് ‘ ആപ്പും ഡി.എം.സി.സി ആസ്ഥാനമായ മോണിറ്ററി മെറ്റൽസും സഹകരിച്ചാണ് ഇതാദ്യമായി യു.എ.ഇയിൽ ഗോൾഡ് ലീസിങ്
സംരംഭം കൊണ്ടുവരുന്നത്. നിലവിൽ മിനിമം 10 ഔൺസ് സ്വർണമാണ് നിക്ഷേപത്തിനായി വേണ്ടത്. ഓ ഗോൾഡ് – മോണിറ്ററി മെറ്റൽസ് സംരംഭം നിലവിൽ വരുന്നതോടെ നിക്ഷേപകർക്ക് 0.1% മുതൽ ലീസിങ് സാധ്യമാവുമെന്ന് ഇതേക്കുറിച്ച് വിശദീകരിക്കാൻ നടത്തിയ വാർത്താ സമ്മേളനത്തിൽ അധികൃതർ പറഞ്ഞു.

ഇങ്ങനെ നിക്ഷേപിക്കുന്നത് വഴി 11% വിപണി വിഹിതവും , 5% വരുമാനവും ഉൾപ്പെടെ മൊത്തം 16% വാർഷികാദായം ലഭിക്കുമെന്നും ഇവർ വ്യക്തമാക്കി. വാങ്ങലും വിൽക്കലും മാത്രമുണ്ടായിരുന്ന ഒ ഗോൾഡ് ആപ്പിൽ ഈ രംഗത്തെ പ്രമുഖരായ മോണിറ്ററി മെറ്റൽസുമായുള്ള സഹകരണ സംരംഭത്തിലൂടെയാണ് പുതുതായി ലീസിങ് കൂടി ഉൾപ്പെടുത്തിയത്. ഇതോടെ സാധാരണക്കാർക്കും സ്വർണത്തിൽ നിക്ഷേപിക്കാനും വരുമാനം നേടാനുമുള്ള അവസരം കൈവന്നിരിക്കുകയാണെന്നും മോണിറ്ററി മെറ്റൽസുമായി ഇത്തരമൊരു സംരംഭത്തിൽ സഹകരിക്കാനായതിൽ സന്തോഷമുണ്ടെന്നും ഒ ഗോൾഡ് ചെയർമാൻ ബന്ദർ അൽ ഉഥ്മാൻ പറഞ്ഞു.

സ്വർണ വിപണിയിലെ ലീസിങ്‌ ശക്തമായൊരു ധനകാര്യ സംരംഭമാക്കി മാറ്റണമെന്ന കാഴ്ചപ്പാടാണ് തങ്ങൾക്കുള്ളതെന്ന് മോണിറ്ററി മെറ്റൽസ് ദുബായ് ഓഫിസ് മാനേജർ മാർക്ക് പെയ് അഭിപ്രായപ്പെട്ടു. ഒ ഗോൾഡ് കോ ഫൗണ്ടർ മുഹമ്മദ് അൽ മൻസൂരി, സിഇഒ അഹ്മദ് അബ്ദിൽ തവാബ് എന്നിവരും വാർത്താ സമ്മേളനത്തിൽ പങ്കെടുത്തു.

Shares:

Related Posts

Gulf

എസ്സിടിഡിഎയുടെ പാൻ-ഇന്ത്യ റോഡ് ഷോ ബിസിനസ്സ്, ഒഴിവുസമയ യാത്രകൾക്കായുള്ള എമിറേറ്റിന്റെ വർദ്ധിച്ചുവരുന്ന സാധ്യതകളെ സ്പോട്ട് ലൈറ്റ് ചെയ്യുന്നു.

* 2022 ലെ രണ്ടാം പാദത്തിൽ ഷാർജയിലെ ഹോട്ടലുകളിൽ 30,000 ഇന്ത്യൻ അതിഥികൾ ചെക്ക് ചെയ്തു. * 12.8% അതിഥികളുമായി ഷാർജയുടെ അന്താരാഷ്ട്ര ട്രാവൽ ആൻഡ് ടൂറിസം മാർക്കറ്റ് വിഹിതത്തിൽ ഇന്ത്യ ഒന്നാമത്. * ഇന്ത്യയിലെ പ്രധാന നഗരങ്ങളായ മുംബൈ, ന്യൂഡല്
Featured

യുഎഇ പൊതുമാപ്പിൽ ഹെല്പ് ഡെസ്കുമായി ദുബായ് കെഎംസിസി

ദുബായ്: വിവിധ കാരണങ്ങളാൽ രാജ്യത്ത് നിയമനുസൃതമല്ലാതെ താമസിക്കുന്നവരെ അവരുടെ പ്രശ്നങ്ങൾ പരിഹരിച്ചു നാട്ടിൽ പോകാനോ പ്രവാസം തുടരാനോ സഹായിക്കുന്നതിനായി പൊതുമാപ്പ് പ്രഖ്യാപിച്ചിരിക്കുകയാണ് യുഎഇ സർക്കാർ. പൊതുമാപ്പ് കാലയളവിൽ മുൻകാലങ്ങളിലെ പോലെ ഈ തവണയും ദുബായ് കെഎംസിസി ഹെല്പ് ഡെസ്കും മറ്റ് സൗകാര്യങ്ങളും
Gulf

സൂപ്പർകാർ ബ്ലോണ്ടിയെ ഇനി വാന്റേജ് ഇന്റർനാഷണൽ ബ്രാൻഡ് അംബാസഡർ

ദുബായ് - കൈമൻ ഐലൻഡ് ആസ്ഥാനമായി പ്രവർത്തിക്കുന്ന ബഹുരാഷ്‌ട്ര മൾട്ടി അസറ്റ് ബ്രോക്കറേജ്‌ സ്ഥാപനമായ വാന്റേജ് ഇന്റർനാഷണൽ, സൂപ്പർ കാർ ബ്ലോണ്ടി എന്ന പേരിൽ സാമൂഹ്യമാദ്ധ്യമങ്ങളിലൂടെ പ്രസിദ്ധയായ അലക്സാണ്ട്ര മേരി ഹിർഷിയെ തിരഞ്ഞെടുത്തു. ഒരു ഓൺലൈൻ ബ്രോക്കറേജ് സ്ഥാപനവും ഒരു സാമൂഹ്യ
Gulf

മൊബൈൽ ഫോൺ റിപ്പയറിങ് അധ്യയനത്തിനുള്ള ലോകത്തെ ആദ്യ മെറ്റവേഴ്സ് ആപ്ളിക്കേഷനുമായി ബ്രിട്കോ ആന്റ് ബ്രിഡ്കോ

ദുബായ് - മൊബൈൽ ഫോൺ റിപ്പയറിങ് അധ്യയനത്തിനുള്ള ലോകത്തെ ആദ്യ മെറ്റവേഴ്സ് ആപ്ളിക്കേഷൻ, ‘ബ്രിട്കോവേഴ്സ്’ ലോഞ്ച് ചെയ്തു. ദുബായിൽ നടന്ന ചടങ്ങിൽ യൂണിവേഴ്സിറ്റി ഒഫ് ദുബായ് പ്രസിഡന്റ് ഡോ. ഈസാ എം. ബസ്തകി യാണ് ബ്രിട്കോവേഴ്സ് പ്രകാശനം ചെയ്തത്. മൊബൈൽ ഫോൺ
Leave a Reply

Your email address will not be published. Required fields are marked *