തിരുവനന്തപുരം: കേരളത്തിലെ സംസ്ഥാനങ്ങളിൽ പകർച്ചപ്പനിയുടെയും മറ്റു പകർച്ചവ്യാധികളുടെയും വ്യാപനം അതിരൂക്ഷമായി തുടരുന്നു. പ്രത്യേകിച്ച് തിരുവനന്തപുരം, കോഴിക്കോട്, മലപ്പുറം ജില്ലകളിലാണ് രോഗവ്യാപനം കൂടുതൽ. ശനിയാഴ്ച മാത്രം 11,050 പേരാണ് പകർച്ചപ്പനിക്ക് ചികിത്സ തേടിഹോസ്പിറ്റലിൽ പ്രവേശിച്ചത്. ഇതിൽ 159 പേർക്ക് ഡെങ്കിയും, എട്ടുപേർക്ക് എലിപ്പനിയും, 32 പേർക്ക് മഞ്ഞപ്പിത്തവും റിപ്പോർട്ട് ചെയ്തു. നിലവിൽ 42 എച്ച്1എൻ1 കേസുകളും റിപ്പോർട്ടു ചെയ്തിട്ടുണ്ട്. ഒപ്പം എൻ1 എച്ച്1 വിഗത്തിൽപ്പെട്ട പനികളും സ്ഥിതീകരിച്ചിട്ടുണ്ട്. എറണാകുളത്ത് ഡെങ്കിയും പിടിമുറുക്കിയിട്ടുള്ളത്. അഞ്ചുദിവസത്തിന് ശേഷം സംസ്ഥാനത്തെ പനിബാധിതരുടെ കണക്ക് ശനിയാഴ്ചയാണ് ആരോഗ്യവകുപ്പ് പുറത്തുവിട്ടത്. സർക്കാർ ആശുപത്രികളിലെ കണക്കുകൾ പ്രകാരം ഇന്നലെ ഞായറാഴ്ച മാത്രം തിരുവനന്തപുരത്ത് 1163 പേരും, മലപ്പുറത്ത് 1749 പേരും, കോഴിക്കോട് 1239 പേരുമാണ് പകർച്ചപ്പനിക്ക് ചികിത്സതേടിയത്. ഇതെല്ലാം ഡെങ്കിപ്പനി കൂടുതൽ എറണാകുളത്താണ് 86 കേസുകൾ. തിരുവനന്തപുരം 18, കൊല്ലം 16, ആലപ്പുഴ 14, തൃശൂർ 11 എന്നിങ്ങനെയാണ് ഉയർന്ന ഡെങ്കി കേസുകളുള്ള ജില്ലകൾ. 42 എച്ച്1എൻ1 രോഗികളിൽ 24പേരും തിരുവനന്തപുരത്താണ്. ഇതിനിടെ പകർച്ചപ്പനിയും പകർച്ചവ്യാധികളും പടരുമ്പോഴും പ്രതിരോധ പ്രവർത്തനങ്ങളിൽ ഇപ്പോഴും മെല്ലെപ്പോക്കാണ്. ശമ്പളം കിട്ടാത്ത എൻ.എച്ച്.എം ജീവനക്കാർ നിസ്സഹകരണം പ്രഖ്യാപിച്ചതോടെയാണ് ഏകീകൃത കണക്ക് പ്രസിദ്ധീകരിക്കുന്നത് നിർത്തിവെച്ചത്. ശനിയാഴ്ച എൻ.എച്ച്.എം ജീവനക്കാർക്കായി 45 കോടി രൂപ ധനവകുപ്പ് അനുവദിച്ചതിന് പിന്നാലെയാണ് വെബ്സൈറ്റിൽ കണക്ക് പുറത്തുവന്നിട്ടുള്ളത്.
എല്ലാപ്പനിയും അപകടമല്ലെങ്കിലും മൂന്നുദിവസത്തിൽ കൂടുതൽ പനിയുണ്ടെങ്കിൽ ഉടൻ വിദഗ്ദ്ധ ചികിത്സ തേടണമെന്നാണ് ആരോഗ്യവകുപ്പിന്റെ കടുത്ത നിർദേശം. ഒപ്പം പനിയോടുകൂടി ശ്വാസതടസ്സം, ബോധക്ഷയം, കഫത്തിൽ രക്തത്തിന്റെ അംശം, അമിതമായ ക്ഷീണം അമിത നെഞ്ചിടിപ്പ്, നെഞ്ചുവേദന, ബോധമില്ലാതെ സംസാരിക്കുക തുടങ്ങിയ അപായ സൂചനകൾ കണ്ടാൽ എത്രയും വേഗം ഡോക്ടറെ കാണണമെന്നും. സ്വയം ചികിത്സ പാടില്ല എന്നും ആരോഗ്യവകുപ്പ് പുറത്തിറക്കിയ സർക്കുലറിൽ വ്യക്തമാക്കിയിട്ടുണ്ട്.
