മാസപ്പടി കേസിൽ മുൻ മുഖ്യമന്ത്രി പിണറായി വിജയനും മുഹമ്മദ് റിയാസിനുമെതിരായ വിജിലൻസ് അന്വേഷണം ഒരാഴ്ചത്തേക്ക് തടഞ്ഞ് സുപ്രീം കോടതി. ദസറ അവധിക്കാലത്ത് അടിയന്തരമായി കേസ് പരിഗണിച്ച പ്രത്യേക ബെഞ്ചാണ് നടപടി സ്വീകരിച്ചത്.
കേസിൽ പ്രാഥമിക അന്വേഷണം നടത്താതെ എഫ്‌ഐആർ രജിസ്റ്റർ ചെയ്യാൻ ഉത്തരവിട്ടതിനെക്കുറിച്ച് സംസ്ഥാന സർക്കാരിനോട് സുപ്രീം കോടതി വിശദീകരണം തേടി. സിംഗിൾ ബെഞ്ചിന്റെ ഉത്തരവിനെതിരെ സർക്കാർ അപ്പീൽ നൽകാതിരുന്നതിലും കോടതി വിമർശനം ഉന്നയിച്ചു.
ഹൈക്കോടതി ഡിവിഷൻ ബെഞ്ച് അപ്പീൽ പരിഗണിക്കേണ്ടതായിരുന്നുവെന്നും സുപ്രീം കോടതി നിരീക്ഷിച്ചു.
പിണറായി വിജയൻ, മകൾ ടി. വീണ, മരുമകനും മുൻ മന്ത്രിയുമായ മുഹമ്മദ് റിയാസ് എന്നിവർക്കെതിരെ വിജിലൻസ് കേസെടുക്കാൻ കേരള ഹൈക്കോടതി സിംഗിൾ ബെഞ്ച് ഉത്തരവിട്ടിരുന്നു. ഈ ഉത്തരവ് ഡിവിഷൻ ബെഞ്ചും ശരിവച്ചതോടെയാണ് മൂന്നുപേരും സുപ്രീം കോടതിയെ സമീപിച്ചത്.
എഫ്‌ഐആർ റദ്ദാക്കണമോ എന്ന കാര്യത്തിൽ ഹൈക്കോടതി ഡിവിഷൻ ബെഞ്ചിന് തീരുമാനമെടുക്കാമെന്നാണ് സുപ്രീം കോടതിയുടെ നിലപാട്.
