ദുബായ്: ജി.സി.സിയിൽ അതിവേഗം വളരുന്ന വാല്യൂ ഹൈപ്പർസ്റ്റോർ ശൃംഖലകളിലൊന്നായ മാർക്ക് ആൻഡ് സേവ് ദുബായ് മുഹൈസിനയിൽ പുതിയ ഹൈപ്പർസ്റ്റോർ തുറക്കുന്നു. മേയ് 11 തിങ്കളാഴ്ചയാണ് പുതിയ സ്റ്റോറിന്റെ ഉദ്ഘാടനം. ജി.സി.സിയിലെ 23-ാമത്തെയും യു.എ.ഇയിലെ 10-ാമത്തെയും സ്റ്റോറായ ഇത്, ബ്രാൻഡിന്റെ മേഖലാ വികസന പദ്ധതിയിലെ പ്രധാന ഘട്ടമായി വിലയിരുത്തപ്പെടുന്നു.
ഒന്നര ലക്ഷം ചതുരശ്ര അടിയിലധികം വിസ്തൃതിയുള്ള മൾട്ടി ലെവെൽ ഹയ്പ്പർമാർകെറ്റ് ആയതിനാൽ ഉപഭോക്താക്കൾക്ക് കൂടുതൽ വിപുലവും സൗകര്യപ്രദവുമായ ഷോപ്പിംഗ് അനുഭവം ലഭിക്കും. പഴം, പച്ചക്കറികൾ, മത്സ്യം, മാംസം, കോഴി, എഫ്. എം.സി ഉൽപ്പന്നങ്ങൾ, ഗൃഹോപകരണങ്ങൾ, ഇലക്ട്രോണിക്സ്, ബേക്കറി, ഹോട് ഫുഡ്, ഫാഷൻ തുടങ്ങി വിവിധ വിഭാഗങ്ങളിലായി ഉൽപ്പന്നങ്ങൾ ഒരുക്കിയിട്ടുണ്ട്.
100,000-ത്തിലധികം സ്ക്വിർഫീറ്റിൽ വിവിധ ഉപഭോക്തൃ ആവശ്യങ്ങൾ നിറവേറ്റുന്ന രീതിയിലാണ് ഹൈപ്പർസ്റ്റോർ രൂപകൽപ്പന ചെയ്തിരിക്കുന്നത്. ഏകദേശം 400-ത്തിലധികം ജീവനക്കാരെ നിയമിച്ചതോടെ പ്രാദേശിക തൊഴിൽ മേഖലയ്ക്കും റീട്ടെയിൽ മേഖലയ്ക്കും കൂടുതൽ പിന്തുണയാകുമെന്ന് കമ്പനി വ്യക്തമാക്കി.
“മുഹൈസിന സ്റ്റോർ, മാർക്ക് ആൻഡ് സേവ് ബ്രാൻഡിന്റെ വളർച്ചാ യാത്രയിലെ മറ്റൊരു നിർണായക ചുവടുവെയ്പ്പാണ്,” എന്ന് ഹെഡ് ഓഫ് ഒപെരറേൻസ് മുഹമ്മദ് ഫാസിൽ പറഞ്ഞു.
ഉദ്ഘാടനത്തോടനുബന്ധിച്ച് വിവിധ വിഭാഗങ്ങളിൽ നിരവധി ആകർഷക ഓഫറുകൾ ഉപഭോക്താക്കൾക്കായി ഒരുക്കിയിട്ടുണ്ട്. അടുത്ത ആറുമാസത്തിനുള്ളിൽ ജി.സി.സി രാജ്യങ്ങളിലാകെ ആറു പുതിയ ഹൈപ്പർസ്റ്റോറുകൾ കൂടി തുറക്കാനാണ് പദ്ധതിയെന്നും, 2030 ഓടെ 100 സ്റ്റോറുകൾ എന്ന ലക്ഷ്യമിടുന്നതായും മാനേജ്മെന്റ് അറിയിച്ചു.
