ദുബായ് – ഖത്തറിൽ അരങ്ങേറിയ ഫിഫ ലോകകപ്പിന്‍റെ ഭാഗമായി ദുബായ്, ദോഹ വിമാനത്താവളങ്ങൾക്കിടയിൽ ദിവസേന 6800ലധികം പേർ യാത്ര ചെയ്യുന്നുണ്ടെന്ന് ജി.ഡി.ആർ.എഫ്.എ ദുബൈ മേധാവി ലഫ്റ്റനന്‍റ് ജനറൽ മുഹമ്മദ് അഹ്‌മദ്‌ അൽ മർറി പറഞ്ഞു. വിവിധ ഡിപ്പാർട്മെന്‍റുകളുമായി കൈകോർത്ത് ഫുട്ബാൾ പ്രേമികൾക്ക് മികച്ച സൗകര്യങ്ങളാണ് ദുബായ് ഗവൺമെന്റ് ഏർപ്പെടുത്തിയിട്ടുള്ളത്.
ദുബായ് വഴി രാജ്യത്തേക്കുള്ള ആരാധകരുടെ പ്രവേശനവും മടക്കവും വേഗത്തിലാക്കാൻ മികച്ച സൗകര്യങ്ങളാണ് ഒരുക്കിയിരിക്കുന്നത്. ഇതിന്റെ ഭാഗമായി ഫുട്ബാൾ കാണാനെത്തുന്നവർക്ക് 90 ദിവസത്തേക്കാണ് മൾട്ടിപ്ൾ എൻട്രി വിസ സംവിധാനം ദുബൈയിൽ ഏർപ്പെടുത്തിയിട്ടുണ്ട്. ഇതിന്നായി അതിവേഗം എമിഗ്രേഷൻ നടപടികൾ പൂർത്തിയാക്കാൻ പ്രത്യേക ഉദ്യോഗസ്ഥ സംഘത്തെതന്നെ എയർപോർട്ടിൽ നിയോഗിച്ചിട്ടുണ്ടെന്നും, സാധാരണ സർവിസുകൾക്കു പുറമേ സ്പെഷൽ മാച് ഡേ ഷട്ടിൽ സർവിസുകൾ അടക്കം ദുബൈയിൽനിന്ന് ദിനേന നൂറിലധികം വിമാനങ്ങളാണ് പറക്കുന്നതെന്ന് എന്നും ജി.ഡി.ആർ.എഫ്.എ ദുബൈ മേധാവി ലഫ്റ്റനന്‍റ് ജനറൽ മുഹമ്മദ് അഹ്‌മദ്‌ അൽ മർറി പറഞ്ഞു കൂട്ടിച്ചേർത്തു.
ഇതോടൊപ്പം തന്നെ ദുബൈയിലെ പുതുവത്സരാഘോഷം ആസ്വദിക്കാൻ ആഗ്രഹിക്കുന്നവർക്കും ആകർഷകമായ സേവനങ്ങൾ ഉൾപ്പെടുത്തിക്കൊണ്ടുള്ള പാക്കേജ് പൂർത്തിയായതായും ലഫ്. ജനറൽ അറിയിച്ചു.
