ഷാർജ – 73 മണിക്കൂർ തുടർച്ചയായി പ്രചോദന പ്രഭാഷണം നടത്തി ഗിന്നസ് റിക്കോർഡ് നേടിയ എം എ റഷീദിന്റെ കനൽ വഴികൾ എന്ന പുസ്തകം ഷാർജ രാജ്യാന്തര പുസ്തകോത്സവത്തിൽ പ്രകാശനം ചെയ്തു. ഗിന്നസ് റിക്കോർഡിലേക്കു എത്തിപ്പെട്ട സാഹചര്യമാണ് പുസ്തകത്തിന്റെ ഉള്ളടക്കം.
ആത്‌മകഥാംശമുള്ള അനുഭവക്കുറിപ്പുകളാണ് എഴുതിയതെന്നു ഗിന്നസ് റഷീദ് പറഞ്ഞു. ഷാർജ പുസ്തകമേള എക്സ്റ്റേണൽ അഫയേസ് എക്സി.മോഹൻകുമാർ കലിമ ഗ്രൂപ്പ് മേധാവി എം കെ മാനൂട്ടിക്ക് നൽകിയാണ് പ്രകാശനം ചെയ്തത്. ചടങ്ങിൽ കെ എം അബ്ബാസ് അധ്യക്ഷത വഹിച്ചു. വി പി ഇസ്മായീൽ, ഷാബു കിളിത്തട്ടിൽ, ബഷീർ തിക്കോടി, അശ്‌റഫ് താമരശ്ശേരി, ജിജോ ജലാൽ സംസാരിച്ചു.
