ദുബായ് – റസിഡന്‍റ് വിസയുള്ള ആറ് മാസത്തിൽ കൂടുതൽ യു.എ.ഇയുടെ പുറത്ത് തങ്ങിയ റസിഡന്‍റ് വിസക്കാർക്ക് റി എൻട്രി പെർമിറ്റ് അനുവദിച്ച് യു.എ.ഇ ഫെഡറൽ അതോറിറ്റി ഫോർ ഐഡന്‍റിറ്റി, സിറ്റിസൺഷിപ്പ് (ഐ.സി.പി). ഇതോടെ രാജ്യത്തിന് പുറത്ത് ആറ് മാസമോ അതിലധികമോ നാട്ടിൽ തങ്ങിയതിന്‍റെ പേരിൽ വിസ റദ്ദായവർക്ക് വീണ്ടും അതേ വിസയിൽ രാജ്യത്തെത്താൻ കഴിയുന്നതാണ് ഈ പുതിയ ആനുകൂല്യം.
ഫെഡറൽ അതോറിറ്റി ഫോർ ഐഡന്‍റിറ്റി, സിറ്റിസൺഷിപ്പ് (ഐ.സി.പി) നിർദേശം പുറത്തിറക്കിയ നിർദേശമനുസരിച്ചു https://smartservices.icp.gov.ae/echannels/web/client/guest/index.html#/dashboard എന്ന ലിങ്ക് വഴി റി എൻട്രിക്ക് അപേക്ഷിക്കാം. ഒപ്പം പാസ്സ്‌പോർട്ട്, വിസ, പുറത്തുകഴിയേണ്ടിവന്ന കൃത്യവും വ്യക്തവുമുള്ള കാര്യകാരണം എന്നിവയുടെ കോപ്പികളും സമർപ്പിക്കേണ്ടതുണ്ട്‌.
നിലവിൽ യു.എ.ഇ റസിഡന്‍റ് വിസയുള്ളവർ ആറ് മാസത്തിനിടയിൽ രാജ്യത്ത് പ്രവേശിക്കണമെന്നാണ് നിയമം. അല്ലാത്തപക്ഷം വിസ റദ്ദാവും. എന്നാൽ ഇങ്ങനെ വിസ റദ്ദാവുന്നവർക്ക് ആശ്വാസമാണ് പുതിയ നിർദേശം. റി എൻട്രി അനുമതി ലഭിച്ച് 30 ദിവസത്തിനകം യു.എ.ഇയിൽ പ്രവേശിച്ചിരിക്കണം. യു.എ.ഇയുടെ പുറത്ത് നിന്നായിരിക്കണം അപേക്ഷ സമർപ്പിക്കേണ്ടതും.
എന്നാൽ ഐ.സി.പിയുടെ നിരക്കായ 150 ദിർഹമും ഫീസായി അടക്കുന്നതോടൊപ്പം രാജ്യത്തിന് പുറത്തുനിന്ന ഓരോ 30 ദിവസത്തിനും [ഓരോ മാസത്തിനും] 100 ദിർഹം പിഴ നൽകണം. എന്നാൽ നൽകിയ അപേക്ഷ ഫെഡറൽ അതോറിറ്റി ഫോർ ഐഡന്‍റിറ്റി, സിറ്റിസൺഷിപ്പ് (ഐ.സി.പി) നിരസിച്ചാൽ 800 ദിർഹം മാത്രമേ തിരികെ ലഭിക്കുകയുളൂ.
