Breaking NewsFeatured

2050-ൽ ദുബായ് പൊതുഗതാഗതം കാർബൺ ബഹിർഗമന രഹിതമാകും

ദുബായ് – പൊതുഗതാഗത സംവിധാനങ്ങൾ വഴിയുള്ള മലിനീകരണം കുറച്ച്‌ കൊണ്ട് 2050ൽ കാർബൺ പുറന്തള്ളൽ പൂർണമായി ഇല്ലാതാക്കാൻ പദ്ധതിയുമായി ദുബായ് ഒരുങ്ങുന്നു. വരും കാലത്തെ നല്ല ഭാവിക്കുവേണ്ടി നടപ്പാക്കുന്നവ്യത്യസ്ത പദ്ധതികളുടെ ഭാഗമായാണ് സുസ്ഥിരതയുടെ മേഖലയിൽ ഇത്തരം ഒരു മാതൃക എമിറേറ്റ് ഉദ്ദേശിക്കുന്നതെന്ന് പദ്ധതിയുടെ പ്രഖ്യാപനം നടത്തി ശൈഖ് ഹംദാൻ ട്വിറ്ററിൽ കുറിച്ചു. കാലാവസ്ഥ വ്യതിയാനത്തെ നേരിടുന്നതിനും ഹരിതഗൃഹ വാതക പുറന്തള്ളൽ കുറക്കുന്നതിനുമുള്ള സംയോജിത പ്രവർത്തനങ്ങളുടെ ഭാഗമായാണ് പദ്ധതി പ്രഖ്യാപിച്ചിരിക്കുന്നത്.

എമിറേറ്റിലെ റോഡ് ഗതാഗത അതോറിറ്റിയാണ് (ആർ.ടി.എ) ഇലക്ട്രോണിക്, ഹൈഡ്രജൻ വാഹനങ്ങളുടെ ഉപയോഗം വർധിപ്പിച്ച് പരിസ്ഥിതിക്ക് അനുകൂലമായ സംവിധാനത്തിലേക്ക് പൂർണമായി മാറുന്ന പദ്ധതിക്ക് നേതൃത്വം നൽകുക. ഇനിമുതൽ ആർ.ടി.എയുടെ ബസുകൾ, സ്കൂൾ വാഹനങ്ങൾ, ടാക്സികൾ, ലിമോസിൻസ് എല്ലാം പദ്ധതിയിലൂടെ ഇലക്ട്രോണിക്, ഹൈഡ്രജൻ സംവിധാനത്തിലാകും. ഇതോടുകൂടി മേഖലയിൽ സീറോ എമിഷൻ പൊതുഗതാഗത സംവിധാനം ഏകദേശം 80 ലക്ഷം ടൺ കാർബൺ ഡൈഓക്സൈഡ് പുറന്തള്ളുന്നത് തടയുമെന്നാണ് കണക്കാക്കപ്പെടുന്നത്. ഇത് 13.2 കോടി മരങ്ങൾ നട്ടുപിടിപ്പിക്കുന്നതിന് തുല്യമാണ്. 300 കോടി ദിർഹമിന്‍റെ സാമ്പത്തിക ലാഭം ഇതുണ്ടാക്കുമെന്നും കണക്കാക്കപ്പെടുന്നു.

എക്‌സ്‌പോ സിറ്റി ദുബൈയിൽ നടക്കുന്ന അന്താരാഷ്ട്ര കാലാവസ്ഥ ഉച്ചകോടിയുടെ (കോപ -28) പ്രാരംഭ നടപടി കൂടിയാലോചനക്കായി ബുധനാഴ്ച ചേർന്ന യോഗത്തിലാണ് ദുബൈ കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂമിന്‍റെ അധ്യക്ഷതയിൽ ചേർന്ന എക്സിക്യൂട്ടിവ് കൗൺസിൽ യോഗമാണ് പദ്ധതിക്ക് അംഗീകാരം നൽകിയത്.

Shares:

Related Posts

Breaking News

ധീര രക്തസാക്ഷികളെ സ്മരിച്ച് യു.എ.ഇ രാഷ്ട്രനേതാക്കൾ

ദുബായ് - സ്വന്തം രാജ്യത്തിനായി ജീവൻ നൽകിയ രക്തസാക്ഷികളെ സ്മരിച്ച് യു.എ.ഇ ഇന്ന് അനുസ്മരണ ദിനം ആചരിക്കുന്നു. സ്വന്തം രാജ്യത്തിനായി ജീവത്യാഗം ചെയ്ത രക്തസാക്ഷികളെ രക്തസാക്ഷികളെ ഹീറോകളെ ഓർമിക്കണമെന്ന് ഇരു നേതാക്കളും ജനങ്ങളോട് ആഹ്വാനംചെയ്തു. രാജ്യത്തിന്‍റെ പരമാധികാരം സംരക്ഷിക്കുന്നതിനിടയിൽ ജീവൻ നഷ്ടപ്പെട്ട
Breaking News

ദുബായ് ദേ​ശീ​യ​ദി​നാ​ഘോ​ഷം 4697 ഡ്രൈ​വ​ർ​മാ​ർ​ക്ക്​ പി​ഴ

ദുബായ് - ദുബായ് ദേ​ശീ​യ​ദി​നാ​ഘോ​ഷ​ദി​വ​സ​ങ്ങ​ളി​ൽ പൊ​ലീ​സ്​ മു​ന്ന​റി​യി​പ്പ്​ ലം​ഘി​ച്ച്​ നി​യ​മ​ലം​ഘ​നം ന​ട​ത്തി​യ 4697 ഡ്രൈ​വ​ർ​മാ​ർ​ക്ക്​ പി​ഴ​യിട്ട് കൊണ്ട് ഗു​രു​ത​ര നി​യ​മ​ലം​ഘ​ന​ങ്ങ​ൾ വ​രു​ത്തി​യ 132 വാ​ഹ​ന​ങ്ങ​ൾ പി​ടി​ച്ചെ​ടു​ത്ത​താ​യും ദു​ബൈ പൊ​ലീ​സ്​ അ​റി​യി​ച്ചു. പി​ടി​ക്ക​പ്പെ​ട്ട ഡ്രൈ​വ​ർ​മാ​ർ​ക്ക്​ പി​ഴ​ക്കു​ പു​റ​മെ ബ്ലാ​ക്ക്​ പോ​യ​ൻ​റും ചു​മ​ത്തി​. അ​നു​മ​തി​യി​ല്ലാ​തെ
Breaking News

ജി.സി.സി കപ്പ് 2025 ഫുട്ബോൾ ടൂർണമെന്‍റിന് വ്യാഴാഴ്ച ദുബായിൽ തുടക്കം

ദുബായ്: പവർ ഗ്രൂപ്പ് യുഎഇയുടെ നേതൃത്വത്തിൽ ദുബായ് സ്‌പോർട്‌സ് കൗൺസിലിന്‍റെയും ദുബായ് പോലീസിന്‍റെ ‘പോസിറ്റീവ് സ്പിരിറ്റ്’ സംരംഭത്തിന്‍റെയും സഹകരണത്തോടെ നടത്തുന്ന ജിസിസി കപ്പ് 2025 ഫുട്ബോൾ ടൂർണമെന്‍റിന് വ്യാഴാഴ്ച തുടക്കമാവും. ദുബായ് അൽ ജദ്ദാഫ് ദുബായ് പോലീസ് ഓഫീസേഴ്‌സ് ക്ലബ് സ്റ്റേഡിയത്തിലാണ്
Leave a Reply

Your email address will not be published. Required fields are marked *