അബുദാബി: ഷെയ്ഖ് ഹസ്സ ബിൻ സുൽത്താൻ ബിൻ സായിദ് അൽ നഹ്യാൻ അന്തരിച്ചു. ഇന്നലെയാണ് മരണം സംഭവിച്ചത്. ഷെയ്ഖ് ഹസ്സയുടെ വിയോഗത്തിൽ പ്രസിഡൻഷ്യൽ കോടതി അനുശോചിച്ചു. ഷെയ്ഖ് ഹസ്സ ബിൻ സുൽത്താൻ ബിൻ സായിദ് അൽ നഹ്യാന്‍റെ നിര്യാണത്തിൽ അനുശോചനം രേഖപ്പെടുത്തുന്നതായി പ്രസിഡൻഷ്യൽ കോടതി പ്രസ്താവനയിൽ പറഞ്ഞു. ഷെയ്ഖ് ഹസ്സയുടെ മരണകാരണം പുറത്തുവിട്ടിട്ടില്ല.
കാനഡയിൽ മലയാളി യുവതി വീട്ടിൽ മരിച്ച നിലയിൽ, ഭർത്താവിനെ കാണാനില്ല
ഭരണകുടുംബത്തിലെ അംഗമായ ഇദ്ദേഹം സമർത്ഥനായ കുതിര സവാരിക്കാരനായിരുന്നു. കുതിരസവാരി സർക്കിളുകളിൽ അറിയപ്പെട്ടിരുന്നു. 2019-ൽ അന്തരിച്ച ഷെയ്ഖ് സുൽത്താൻ ബിൻ സായിദ് അൽ നഹ്യാന്‍റെ മകനാണ്. രാഷ്ട്രപതിയുടെ പ്രതിനിധിയായി സേവനമനുഷ്ഠിച്ച ഷെയ്ഖ് സുൽത്താൻ, അന്തരിച്ച പ്രസിഡന്‍റ് ഷെയ്ഖ് ഖലീഫയുടെ സഹോദരനായിരുന്നു.
