റമദാനിൽ റോ​ഡ്​ സുരക്ഷാ കാ​മ്പ​യി​ൻ സ​ജീ​വ​മാ​ക്കി ആ​ർ.​ടി.​എ

ദുബായ് – റ​മ​ദാ​നി​ൽ റോ​ഡ്​ യാ​ത്ര സു​ര​ക്ഷി​ത​മാ​ക്കു​ന്ന​തി​ന്റെ കാ​ൽ​ന​ട യാ​ത്ര​ക്കാ​ർ​ക്കും ഡ്രൈ​വ​ർ​മാ​ർ​ക്കും വേണ്ടി സംഘടിപ്പിക്കുന്ന കാ​മ്പ​യി​ൻ ദുബായ് റോ​ഡ്​ ഗ​താ​ഗ​ത അ​തോ​റി​റ്റി (​ആ​ർ.​ടി.​എ) സ​ജീ​വ​മാ​ക്കി. ‘ഇ​ഫ്താ​ർ ആ​സ്വ​ദി​ക്കൂ, നി​ങ്ങ​ളു​ടെ യാ​ത്ര​യി​ൽ ശ്ര​ദ്ധി​ക്കൂ’ എ​ന്ന ത​ല​ക്കെ​ട്ടി​ലാ​ണ്​ കാ​മ്പ​യി​ൻ സം​ഘ​ടി​പ്പി​ച്ചു​വ​രു​ന്ന​ത്. ഇതിന്റെ ഭാഗമായി റോ​ഡു​ക​ളി​ൽ ല​ഘു​ലേ​ഖ​ക​ൾ വി​ത​ര​ണം ചെ​യ്തും മെ​സേ​ജു​ക​ൾ അ​യ​ച്ചു​മാ​ണ്​ സ​ന്ദേ​ശം എ​ത്തി​ക്കു​ന്ന​ത്. ഒപ്പം റ​മ​ദാ​ൻ ടെ​ന്‍റു​ക​ളി​ൽ ഇ​സ്​​ലാ​മി​ക​കാ​ര്യ, ചാ​രി​റ്റ​ബ്​​ൾ ആ​ക്ടി​വി​റ്റീ​സ്​ വ​കു​പ്പ് വി​ത​ര​ണം ചെ​യ്യു​ന്ന ഇ​ഫ്താ​ർ കി​റ്റു​ക​ളി​ൽ നി​ർ​ദേ​ശ​ങ്ങ​ളും നി​യ​മ​ങ്ങ​ളും പ​തി​ച്ചി​ട്ടു​ണ്ട്. പൊ​തു, സ്വ​കാ​ര്യ മേ​ഖ​ല​ക​ളി​ലെ വി​വി​ധ പ​ങ്കാ​ളി​ക​ളെ കൂ​ടി സ​ഹ​ക​രി​പ്പി​ച്ചാ​ണ്​ പ​ദ്ധ​തി ന​ട​പ്പി​ലാ​ക്കു​ന്ന​ത്.

ഓ​രോ വി​ഭാ​ഗ​ങ്ങ​ളി​ലേ​ക്കും പ്ര​ത്യേ​കം ത​യാ​റാ​ക്കി​യ നി​ർ​ദേ​ശ​ങ്ങ​ളാ​ണ്​ ന​ൽ​കി​വ​രു​ന്ന​ത്. പ്ര​ധാ​ന​മാ​യും കാ​ൽ​ന​ട​യാ​ത്ര​ക്കാ​ർ ശ്ര​ദ്ധി​ക്കേ​ണ്ട കാ​ര്യ​ങ്ങ​ളാ​ണ്​ കി​റ്റു​ക​ളി​ൽ നി​ർ​ദേ​ശ​ങ്ങ​ളാ​യി ന​ൽ​കി​യി​ട്ടു​ള്ള​ത്. കാ​ൽ​ന​ട​യാ​ത്ര​ക്കാ​ർ നി​ർ​ദി​ഷ്ട ഭാ​ഗ​ങ്ങ​ളി​ലൂ​ടെ​യ​ല്ലാ​തെ റോ​ഡ്​ മു​റി​ച്ചു ക​ട​ന്നാ​ൽ 400 ദി​ർ​ഹം പി​ഴ ല​ഭി​ക്കു​മെ​ന്നും ഇ​തി​ൽ വ്യ​ക്​​ത​മാ​ക്കു​ന്നു.

റ​മ​ദാ​നി​ലെ മി​ക്ക അ​പ​ക​ട​ങ്ങ​ൾ​ക്കും കാ​ര​ണ​മാ​കു​ന്ന​ത്​ വാ​ഹ​ന​ങ്ങ​ൾ​ക്കി​ട​യി​ൽ ആ​വ​ശ്യ​മാ​യ അ​ക​ലം പാ​ലി​ക്കാ​ത്ത​താ​ണെ​ന്ന് എന്നും, റ​മ​ദാ​നി​ൽ ഉ​റ​ക്കം കു​റ​യു​ന്ന​തും ഭ​ക്ഷ​ണ​ക്ര​മം മാ​റു​ന്ന​തും ക്ഷീ​ണ​ത്തി​നും ശ്ര​ദ്ധ​തി​രി​യാ​നും കാ​ര​ണ​മാ​കു​മെ​ന്നും ഇ​ത്ത​രം സ​ന്ദ​ർ​ഭ​ങ്ങ​ളി​ൽ ഡ്രൈ​വ​ർ​മാ​ർ നോ​മ്പ​നു​ഷ്ഠി​ച്ച്​ വാ​ഹ​ന​മോ​ടി​ക്കു​മ്പോ​ൾ കൂ​ടു​ത​ൽ ശ്ര​ദ്ധ​യു​ണ്ടാ​ക​ണ​മെ​ന്നും പറ്റുമെങ്കിൽ യാ​ത്ര ഒ​ഴി​വാ​ക്ക​ണ​മെ​ന്നും ആ​ർ.​ടി.​എ ട്രാ​ഫി​ക്​ ആ​ൻ​ഡ്​ റോ​ഡ്​​സ്​ സി.​ഇ.​ഒ മൈ​ഥ ബി​ൻ അ​ദാ​യ്​ പ​റ​ഞ്ഞു. അതുകൊണ്ടു തന്നെ നോ​മ്പ​നു​ഷ്ഠി​ച്ച്​ വാ​ഹ​ന​മോ​ടി​ക്കു​​മ്പോ​ൾ ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ ഡ്രൈ​വ​ർ​മാ​ർ​ക്ക്​ ന​ൽ​കു​ന്ന ഇ​ഫ്താ​ർ കി​റ്റു​ക​ളി​ൽ പ​തി​ക്ക​ണ​മെ​ന്ന്​ സ്വ​കാ​ര്യ മേ​ഖ​ല​യി​ലെ സ്ഥാ​പ​ന​ങ്ങ​ളോ​ട്​ ആ​ർ.​ടി.​എ ആ​വ​ശ്യ​പ്പെ​ട്ടി​ട്ടു​ണ്ട്.

റ​മ​ദാ​നി​ൽ ഡ്രൈ​വ​ർ​മാ​ർ ശ്ര​ദ്ധി​ക്കേ​ണ്ട​ കൃത്ത്യമായ മാർഗ്ഗരേഖകളും ല​ഘു​ലേ​ഖ​കളിൽ പറയുന്നുണ്ട്.

1. നോ​മ്പ്​ തു​റ​ന്ന്​ ന​ന്നാ​യി ഭ​ക്ഷ​ണം ക​ഴി​ച്ചവർ ഉ​ട​നെ ഡ്രൈ​വി​ങ്​ ഒ​ഴി​വാ​ക്കു​ക
2. ക്ഷ​മ​യോ​ടെ വാ​ഹ​നം ഓ​ടി​ക്കു​ക. ആ​വ​ശ്യ​മാ​യ അ​ക​ലം എ​പ്പോ​ഴും പാ​ലി​ക്കു​ക.
3. തി​ര​ക്ക്​ മു​ൻ​കൂ​ട്ടി കാ​ണു​ക​യും ല​ക്ഷ്യ​സ്ഥാ​ന​ത്തെ​ത്തു​ന്ന​തി​ന്​ കൂ​ടു​ത​ൽ സ​മ​യം ക​രു​തു​ക​യും ചെ​യ്യു​ക.
4. അ​ല​ക്ഷ്യ​മാ​യി ​ഡ്രൈ​വ്​ ചെ​യ്യു​ന്ന​വ​രു​മാ​യി ത​ർ​ക്കം ഒ​ഴി​വാ​ക്കു​ക. സ്വ​ന്തം ലെ​യി​നി​ൽ ശ്ര​ദ്ധി​ച്ച്​ വാ​ഹ​ന​മോ​ടി​ക്കു​ക.
   5.വാ​ഹ​നം നി​ർ​ത്തി​യി​ട്ട്​ വി​ൻ​ഡോ​ക​ൾ അ​ട​ച്ചി​ട്ട്​ എ.​സി ഓ​ൺ​ചെ​യ്ത്​ ഉ​റ​ങ്ങാ​തി​രി​ക്കു​ക. ഇ​ത്​ ശ്വാ​സ​ത​ട​സ്സ​ത്തി​നും മ​ര​ണ​ത്തി​നും വ​രെ കാ​ര​ണ​മാ​യേ​ക്കാം.
5. നോ​മ്പ്​ ക്ഷീ​ണി​പ്പി​ക്കു​ന്നെ​ങ്കി​ൽ യാ​ത്ര​ക്ക്​ പൊ​തു ഗ​താ​ഗ​തം ഉ​പ​യോ​ഗി​ക്കു​ക.

ദുബായിലെ ഇ​സ്​​ലാ​മി​ക​കാ​ര്യ, ചാ​രി​റ്റ​ബ്​​ൾ ആ​ക്ടി​വി​റ്റീ​സ്​ വ​കു​പ്പ്, എ​മി​റേ​റ്റ്​​സ്​ ജ​ന​റ​ൽ പെ​ട്രോ​ളി​യം കോ​ർ​പ്പ​റേ​ഷ​ൻ, അ​ൽ അ​ൻ​സാ​രി എ​ക്സ്​​ചേ​ഞ്ച്​ ക​മ്പ​നി തു​ട​ങ്ങി വി​വി​ധ സ്ഥാ​പ​ന​ങ്ങ​ൾ കാ​മ്പ​യി​നു​മാ​യി സ​ഹ​ക​രി​ക്കു​ന്നത്.